స్టార్ హీరో దగ్గుబాటి రానా గారు హోస్ట్ గా చేస్తున్న నెం 1 యారి షో ఇప్పుడు తెలుగులోనే నెం 1 షో గా నిలిచింది. ఈ మధ్య మన తెలుగులో బాలీవుడ్ తరహాలో స్టార్స్ హోస్ట్ చేస్తున్నారు కాని స్టార్ హీరోలు హోస్ట్ గా చేసినంత మాత్రాన ఆ షో నెం 1 గా నిలవదు, అందులో ప్రేక్షకులను ఆకట్టుకునే చక్కని కంటెంట్ ఉంటే తప్ప. రానా గారికి అతిధులతో ఉన్న సాన్నిహిత్యం, వారితో వేసే ఛలోక్తులు, ఆత్మీయ సంభాషణలతో ఈ షో అత్యధికంగా 10.3 టి.ఆర్.పి రేటింగ్స్ తో ఎదురులేకుండా దూసుకుపోతున్నది. ఇప్పటి వరకు తొమ్మిది ఎపిసోడ్లు దిగ్విజయంగా పూర్తిచేసుకుని నందమూరి బాలకృష్ణ గారితో మరో ఎపిసోడ్ ఎంతో ఎంటర్టైన్మెంట్ తో ముందుకు రాబోతున్నది.