రోబో సినిమా సృష్టించిన రికార్డులు అందరికి తెలిసిందే. శంకర్ డైరెక్టోరియల్ నుండి వచ్చిన అద్భుత సినిమా రోబో. అయితే ఆ సినిమాకు సీక్వెల్ అంటే ఓ రేంజ్లో ఉంటుంది. అసలే లాస్ట్ సినిమా ‘ఐ’ పోయిన కసి మీద శంకర్ ఇంకాస్త ఎక్కువ హోం వర్క్ చేస్తున్నాడు రోబో-2 ప్రాజెక్ట్ గురించి. ముందనుకున్నట్టుగానే ఈ సినిమా హాలీవుడ్ సినిమాలకు ఏ మాత్రం తీసిపోకుండా తెరకెక్కిస్తున్నాడన్నది తెలిసిన వార్తే. అందుకే హాలీవుడ్ హీరో ఆర్నాల్డ్ ని ఈ సినిమాలో ప్రతినాయకుడిగా పెడుతున్నాడు శంకర్. సినిమా కూడా అత్యంత భారీ బడ్జెట్ తో తెరకెక్కుతుందని తెలుసు.
సినిమా బడ్జెట్ దాదాపు 250 కోట్ల దాకా ఉంటుందని అంచనా.. ఇది పేపర్ లెక్కలు మాత్రమే సినిమా స్టార్ట్ అయితే ఇంకో 50 పెరిగినా పెరగొచ్చు. ఇకపోతే ఈ సినిమాలో హీరోగా రజిని మరోసారి విజృంభిస్తుండగా.. విలన్ గా ఆర్నాల్డ్ రెచ్చిపోనున్నాడు. విలన్ గా చేస్తున్నందుకు ఆర్నాల్డ్ కు అక్షరాల 100 కోట్ల రెమ్యునరేషన్ ఇస్తున్నట్టు సమాచారం. కేవలం రెమ్యునరేషన్ కే 200 కోట్ల రూపాయలు అవుతున్న ఈ సినిమా తీయడానికి ఇంకెంత ఖర్చు అవుతుందో తెలియాలి.
ప్రస్తుతానికి ప్రి ప్రొడక్షన్ వర్క్ ఫాస్ట్ గా జరుపుకుంటున్న రోబో-2 సినిమా డిశెంబర్లో స్టార్ట్ అవ్వనుంది. ఐలో అందాలు కురిపించిన అమీ జాక్సన్నే మళ్లీ రోబో-2లో సెలెక్ట్ చేశాడు శంకర్. ‘ఐ’లో తన చూపులతో కుర్ర కారుని గిలిగింతలు పెట్టిన అమీ జాక్సన్ రోబో-2 లో ఇంకెంతమంది హృదయాలను కొల్లగొడుతుందో చూడాలి.
