స్టైలిష్ స్టార్ అల్లు అర్జున్ అంటే మెగా అభిమానుల్లోనే కాదు యూత్ లో మంచి ఫాలోయింగ్ ఉంటుంది. తన వెనుక మెగా సపోర్ట్ ఉన్నా తన టాలెంట్ తో రేసుగుర్రంలా దూసుకెళ్తున్న అల్లు అర్జున్ కొత్తదనానికి ఎప్పుడు ముందుంటాడు. ప్రస్తుతం బోయపాటి శ్రీను దర్శకత్వంలో సరైనోడు సినిమా చేస్తున్న అల్లు అర్జున్ ఆ సినిమా గురించి ప్రతి విషయం చాలా స్పెషల్ గా ఉండేలా ప్లాన్ చేస్తున్నాడు. రీసెంట్ గా రిలీజ్ అయిన ఫస్ట్ లుక్ పోస్టర్ అదుర్స్ అనిపించేలా ఉంటే ఈరోజు టీజర్ ను రిలీజ్ చేస్తూ అభిమానులను మరింత ఉత్సాహ పరుస్తున్నాడు.
అయితే టీజర్ అంటే సాధారణంగా సోషల్ నెట్వర్కింగ్ సైట్స్ లో పెట్టడం.. లేదా ఓ ప్రెస్ మీట్ పెట్టి రిలీజ్ చేయడం జరుగుతుంది. కాని సరైనోడు టీజర్ ను అల్లు అర్జున్ డైరెక్ట్ గా థియేటర్ లో రిలీజ్ చేస్తున్నాడు. గీతా ఆర్ట్స్ బ్యానర్ లో అల్లు అరవింద్ నిర్మిస్తున్న ఈ సినిమా టీజర్ కూడా భారీగా వెయ్యి స్క్రీన్ లలో రిలీజ్ చేయనున్నారట. తెలంగాణ, ఏపి రాష్ట్రాల్లోనే కాకుండా బెంగుళూరు కొన్ని థియేటర్స్ లో కూడా ఈ టీజర్ రిలీజ్ అవుతుండటం విశేషం.
సినిమా అంచనాలను పెంచేందుకే టీజర్ ను ఇలా కొత్త ప్రయోగంలా రిలీజ్ చేస్తున్నారు చిత్ర యూనిట్. బోయపాటి టేకింగ్, బన్ని యాక్టింగ్ సినిమా మరో సంచలన విజయం నమోదు చేసుకుంటుంది అనడంలో సందేహం లేదు. అత్యంత ప్రతిష్టాత్మకంగా తెరకెక్కించబడుతున్న ఈ సినిమాలో రకుల్ ప్రీత్ సింగ్, కేథరిన్ త్రెసలు హీరోయిన్స్ గా నటిస్తున్నారు. మరి టీజర్ ఇంత ప్రి ప్లాండ్ గా రిలీజ్ చేసిన బన్ని సినిమాను ఇంకెంత భారీగా రిలీజ్ చేయనున్నాడో అని అభిమానులంతా ఆసక్తిగా ఎదురు చూస్తున్నారు.
