స్టైలిష్ స్టార్ అల్లు అర్జున్ నటిస్తున్న సినిమా సరైనోడు. బోయపాటి శ్రీను దర్శకత్వంలో అల్లు అరవింద్ నిర్మిస్తున్న ఈ సినిమా ఈ నెల 22న ప్రేక్షకుల ముందుకు రానుంది. అయితే భారీ అంచనాలతో వస్తున్న ఈ సినిమా ప్రమోషన్స్ ఇప్పటికే తారా స్థాయికి చేరితే ఇక సినిమా హిట్ ను ముందె నిర్దేశిస్తూ శాటిలైట్ రైట్స్ అదిరిపోయే రేంజ్ కు అమ్ముడవ్వడం విశేషం.
తెలుగు, హింది, మలయాళం భాషల్లో కలిపి మొత్తం సన్ నెట్వర్క్ 16 కోట్లకు గాను ఈ సినిమాను కొన్నదనే టాక్ వినిపిస్తుంది. ఇదే కనుక నిజమైతే సరైనోడు రికార్డుల జోరు శాటిలైట్ రైట్స్ తో మొదలయినట్టే. థమన్ మ్యూజిక్ అందించిన ఈ సినిమాలో రకుల్ ప్రీత్ సింగ్, కేథరిన్ థ్రేసలు హీరోయిన్స్ గా నటించారు. మాస్ ఊర మాస్ అంటూ ట్రైలర్స్, పోస్టర్స్ తో అదరగొడుతున్న అల్లు అర్జున్ మెగా అభిమానుల ఆకలిని తీర్చబోతున్నట్టు తెలుస్తుంది. సర్దార్ సినిమాతో కాస్త నిరాశ చెందిన అభిమానులు ఈ సినిమాతో ఫుల్ మీల్స్ ఏర్పాటు చేస్తాడని నమ్మకంతో చెబుతున్నారు చిత్రయూనిట్. మరి సినిమా ఫలితం ఎలా ఉంటుందో తెలుసుకోవాలంటే మరో 5 రోజులు వెయిట్ చేయాల్సిందే.
