అల్లు అర్జున్ – సుకుమార్ కాంబినేష‌న్‌లో ఓ చిత్రం రూపుదిద్దుకుంటోంది. ఈ సినిమా కోసం బ‌న్నీ త‌న వేషం, భాష మార్చుకోవాల్సి వ‌చ్చింది. గుబురు గ‌డ్డం, ఒత్తైన జుత్తుతో ఈ సినిమాలో క‌నిపించ‌బోతున్నాడు. ఈపాటికే పావు వంతు షూటింగ్ జ‌ర‌గాల్సింది. కానీ.. చాలా కార‌ణాల వ‌ల్ల షూటింగ్ ఆల‌స్య‌మైంది. దానికి తోడు లాక్ డౌన్‌. ఈ చిత్రానికి సింహాచ‌లం అనే పేరు పెట్టార‌ని అప్ప‌ట్లో వార్త‌లొచ్చాయి. వాటిని చిత్ర‌బృందం ఖండించింది కూడా. ఇప్పుడు ఈ సినిమాకి స‌రికొత్త టైటిల్ రెడీ అయిపోయింది.

బ‌న్నీ – సుక్కు కాంబినేష‌న్‌లో `ఆర్య‌`, `ఆర్య 2` వ‌చ్చింది. ఇప్పుడు కూడా రెండ‌క్ష‌రాల టైటిల్ నే ఖ‌రారు చేశార్ట‌. ఓ అమ్మాయి పేరుని ధ్వ‌నించేలా ఆ టైటిల్ ఉంటుంద‌ని టాక్‌. టైటిల్ లోగో కూడా సిద్ధ‌మైపోయింది. ఈనెల 8న అల్లు అర్జున్ పుట్టిన రోజు. ఈ సంద‌ర్భంగా ఈ టైటిల్‌ని ప్ర‌క‌టించే అవ‌కాశం ఉంది. మ‌రి ఆ రెండ‌క్ష‌రాల టైటిల్ ఏమిటో తెలియాలంటే అప్ప‌టి వ‌ర‌కూ ఆగాల్సిందే.