వైవిధ్య‌మైన క‌థ‌ల‌తో ఆక‌ట్టుకునే ద‌ర్శ‌కుడు విక్ర‌మ్ కె.కుమార్‌. త‌న క‌థ‌లు, వాటిని తెర‌కెక్కించే ప‌ద్ధ‌తీ కొత్త‌గా ఉంటాయి. సినిమా సినిమాకీ జోన‌ర్ మారుస్తుంటాడు. ప్ర‌స్తుతానికి నాగ‌చైత‌న్య కోసం ఓ క‌థ సిద్ధం చేస్తున్న‌ట్టు స‌మాచారం. అయితే త్వ‌ర‌లోనే త‌మిళ స్టార్ సూర్య‌తో ఓ సినిమా చేయ‌బోతున్న‌ట్టు టాక్‌. ఇది వ‌ర‌కు వీరిద్ద‌కి కాంబినేష‌న్ లో ’24’ వ‌చ్చింది. అదో సైన్స్ ఫిక్ష‌న్. కాలాన్ని వెన‌క్కి తిప్పే గ‌డియారం వ‌స్తే ప‌రిస్థితి ఏమిట‌న్న‌ది క‌థ‌. ఈసారి కూడా సూర్య కోసం వైవిధ్య‌మైన క‌థ రెడీ చేశాడ‌ట‌. ఇటీవ‌లే సూర్య‌కి కూడా వినిపించేశాడ‌ని తెలుస్తోంది. ఈ విష‌యాన్ని సూర్య ధృవీక‌రించాడు. విక్ర‌మ్ త‌న‌కు ఓ క‌థ చెప్పాడ‌ని, త్వ‌ర‌లోనే ఆ సినిమాని ప‌ట్టాలెక్కిస్తామ‌ని చెప్పుకొచ్చాడు. ఈ సినిమా 24కి సీక్వెలా? ప్రీక్వెలా? అనే ఆస‌క్తి నెల‌కొందిప్పుడు 24 క‌థ‌కి సీక్వెల్ చేసే అవకాశాలే పుష్క‌లంగా ఉన్నాయ‌ని టాక్‌. నాగ‌చైత‌న్య సినిమా పూర్త‌యిన త‌ర‌వాత సూర్య సినిమా మొద‌లెడ‌తార‌ని తెలుస్తోంది.