మహర్షి సినిమా మహేష్ బాబు కు 25వ సినిమా. ఈ సినిమా ప్రి రిలీజ్ ఫంక్షన్ కు గ్రాండ్ గా ఏర్పాట్లు జరుగుతున్నాయి. ఈ ఫంక్షన్ కు 25 మంది దర్శకులను ఆహ్వానించారు అని ఇప్పటికే వినిపిస్తోంది. కానీ అది ఎంతవరకు నిజమో, ఎవ్వరు వస్తారో? ఎవ్వరు రారో అన్నది తెలియదు. ఎందుకంటే ఎవరి షూటింగ్ లు వారికి వున్నాయి.
అందుకే ముందుగా 25 మంది డైరక్టర్ల దగ్గరకు కెమేరాలు పంపించి, మహేష్ గురించి, అతని తో సినిమాలు, ముచ్చట్లపై బైట్లు తీసుకున్నారు. ఆ బైట్లను ప్రి రిలీజ్ ఫంక్షన్ లో స్క్రీన్ పై ప్రదర్శిస్తారు. ఇదిలా వుంటే ఫంక్షన్ కు కేటిఆర్ ను చీఫ్ గెస్ట్ గా పిలవాలని వుంది. అనుకుంటున్నారు కూడా. కానీ తెలంగాణలో ప్రస్తుత రాజకీయ పరిస్థితులు, ఇంటర్మీడియట్ విద్యార్థుల వ్యవహారం దృష్టిలో వుంచుకుని, కేటీఆర్ రాకపోవచ్చు అని ఊరుకుంటున్నట్లు తెలుస్తోంది.
