ఆంధ్రప్రదేశ్‌లో కరోనా పాజిటివ్ కేసులు వెల్లువలా బయటకు వస్తున్నాయి. ఉదయం పది గంటలకు ప్రభుత్వం విడుదల చేసిన అధికారిక నోట్ ప్రకారం.. పాజిటివ్ కేసులు 87కి చేరాయి. ఇరవై నాలుగు గంటల వ్యవధిలో అరవైకి పైగా పెరిగాయి. పన్నెండు గంటల వ్యవధిలో43 శాంపిళ్లు కరోనా పాజిటివ్‌గా నిర్ధారణ అయినట్లుగా ప్రభుత్వం ప్రకటించారు. కడప జిల్లాలో ఇప్పటి వరకూ ఒక్క పాజిటివ్ కేసు కూడా లేదు. కానీ అనూహ్యంగా ఒక్క రోజులో.. అక్కడి అనుమానితులకు జరిపిన టెస్టుల్లో ఏకంగా పదిహేను మందికి పాజిటివ్ బయటపడింది. ఢిల్లీలో మత ప్రార్థనలకు వెళ్లిన వారు పెద్ద సంఖ్యలో ఉండటంతో.. వారికి టెస్టులు నిర్వహించారు. ఈ టెస్టుల్లో వారిలో పదిహేను మందికి పాజిటివ్బయటపడింది.
ఇవాళ పాజిటివ్‌గా తేలిన కేసుల్లో కడపలో పదిహేను, చిత్తూరు జిల్లాలో ఐదు,తూర్పుగోదావరి జిల్లాలోరెండు, కృష్ణా జిల్లాలోఒకటి, నెల్లూరు జిల్లాలోరెండు, ప్రకాశం జిల్లాలో నాలుగు, విశాఖలో ఒకటి, పశ్చిమగోదావరి జిల్లాలో పదమూడు కేసులు నమోదయ్యాయి. ఏపీలో అత్యధికంగా ప్రకాశం, కడపలో 15కేసులు నమోదయ్యాయి. ఢిల్లీ మత ప్రార్థనలకు వెళ్లిన వారు పెద్ద ఎత్తున ఉన్నారు. వారు ఢిల్లీ నుంచి వచ్చిన తర్వాత పలువురితో కలిసి తరిగారు. ఇలాంటి వారందరి ఆచూకీ తెలుసుకుని .. క్వారంటైన్ కు తరలించడంతో పాటు.. అనుమానిత లక్షణాలు ఉన్న వారిని ఉన్న పళంగా ఐసోలేషన్ కు తరలించడానికి అధికారులు ఏర్పాట్లు చేస్తున్నారు.
మరింత వేగంగా…కరోనా టెస్టులు నిర్వహించాలని ప్రభుత్వం భావిస్తోంది. ఇప్పటికి వందల సంఖ్యలో కరోనా అనుమానిత లక్షణాలు ఉన్న వారిని.. క్వారంటైన్ కేంద్రాల్లో ఉన్నవారి శాంపిల్స్ ను టెస్టుల కోసం పంపిస్తున్నారు బయట పడుతున్న పాజిటివ్ కేసులన్నీ.. ఢిల్లీ మత ప్రార్థనలకు వెళ్లిన వారివే 90 శాతం ఉండటంతో.. అలాంటి వారు ఎక్కడ ఉన్న వెంటనే… గుర్తించాలని..ప్రభుత్వం అధికారులను ఆదేశించారు.అయితే..పెద్ద సంఖ్యలో వారి ఆచూకీ తెలియక పోతూండటంతో.. అధికారులు టెన్షన్‌కు గురవుతున్నారు.
