నందమూరి బాలకృష్ణ వందో సినిమాగా ప్రతిష్టాత్మక ‘గౌతమి పుత్ర శాతకర్ణి’ చరిత్రను తెరకెక్కించే ప్రయత్నం చేస్తున్న సంగతి తెలిసిందే.. క్రిష్ దర్శకత్వంలో రాబోతున్న ఈ సినిమాను ఈ నెల 22న మొదలుపెట్టబోతున్నారు. అయితే ఈ ముహుర్త కార్యక్రమానికి బాలయ్య బాబుతో ఇంతవరకు పనిచేసిన 99 సినిమాల దర్శకులందరు రావాలనే ఉద్దేశంతో వారికి ఇన్విటేషన్ పంపారని సమాచారం. ‘తాతమ్మ కల’సినిమాతో మొదలైన నందమూరి బాలకృష్ణ నట ప్రస్థానం ఇప్పటికి కొనసాగుతూనే ఉంది.
నందమూరి నట కౌశల్యాన్ని ముందుకు నడిపించిన నాయకుడు బాలయ్య బాబు. ఆయన సింహం లా గర్జించినా, తొడకొట్టి.. మీసం మెలేసినా అదో సెన్షేషన్.. ఇప్పటిదాకా 99 సినిమాలతో అలరించిన బాలయ్య తన వందో సినిమా చరిత్రలో నిలిచిపోయేలా గౌతమిపుత్ర శాతకర్ణితో రాబోతున్నాడు. సినిమా టైటిల్ కూడా ‘గౌతమిపుత్ర శాతకర్ణి’గా పెట్టినట్టు తెలుస్తుంది. మరి బాలయ్య ఎంతో ప్రత్యేకమైన ఉత్సాహం చూపిస్తున్న వందో సినిమా ఎన్ని సంచలనాలు సృష్టిస్తుందో చూడాలి.
