సూపర్ స్టార్ మహేష్ సరసన నటించాలని ఏ హీరోయిన్ కి మాత్రం ఉండదు చెప్పండి. బాలీవుడ్ హీరోయిన్స్ దగ్గర నుండి టాలీవుడ్ హీరోయిన్స్ దాకా మహేష్ సినిమాలో నటించే అవకాశం కోసం ఎదురుచూస్తుంటారు. అయితే ఆ కోవలో ప్రేమ కథా చిత్రం హీరోయిన్ నందితా కూడా చేరింది. ‘నీకు నాకు’ సినిమాతో టాలీవుడ్ తెరంగేట్రం చేసిన ఈ అమ్మడు ‘ప్రేమ కథా చిత్రం’ సినిమాతో అందరి మన్నలను పొందింది. ఈ సంవత్సరం వచ్చిన ‘కృష్ణమ్మ కలిపింది ఇద్దరిని’ సినిమాలో మంచి నటన కనబరచి పర్వాలేదనిపించుకున్నా అంతగా పేరు తీసుకురాలేకపోయింది.

ప్రస్తుతం నందిత చేస్తున్న సినిమా ‘శంకరాభరణం’. కోనా వెంకట్ నిర్మాణ సారధ్యంలో వస్తున్న ఈ సినిమా కచ్చితంగా ప్రేక్షకాదరణ పొందుతుందని బలంగా నమ్ముతుంది ఈ అమ్మడు. డిసెంబర్ 4న రిలీజ్ అవుతున్న ఈ సినిమా ప్రమోషన్లో భాగంగా పాల్గొన్న నందిత సినిమా విశేషాలతో పాటుగా తనకు సూపర్ స్టార్ మహేష్ అంటే ఇష్టమని ఆయనతో నటించాలనే కోరికని బయటపెట్టింది.

అయితే నందిత మహేష్ కి హీరోయిన్ గా నటించే సీన్ ఉందా అంటే అదేమో చెప్పలేం కాని.. దూకుడు సినిమాలో హ్యాపీడేస్ శ్రావ్స్ నటించిన చిన్న పాత్రలో మహేష్ తో తెర మీద కనిపించే అవకాశం మాత్రం రావొచ్చని భావిస్తున్నారు. మరి నందిత కోరికను మహేష్ తీర్చుతాడో లేదో చూడాలి.