బ్రూస్ లీ అపజయంతో అవమానాల పాలయిన దర్శకుడు శ్రీనువైట్ల మహేష్ ను కలిసేందుకు ప్రయత్నిస్తున్నాడని ఫిల్మ్ నగర్లో వినిపిస్తున్న వార్త. మొన్నటిదాకా ఇంట్లో గొడవలు, కోనాతో వాగ్వివాదం, సినిమా అపజయ భారం మోసిన శ్రీనువైట్ల ఇప్పుడు కాస్త వాటన్నిటి నుండి తేరుకున్నాడని తెలుస్తుంది. అయితే పెద్ద హీరోలెవరు సాహసించి తన దర్శకత్వంలో సినిమా చేసే అవకాశం లేదు.. అయినా మహేష్ తో మాట్లాడేందుకు శ్రీనువైట్ల ప్రయత్నాలు చేస్తున్నాడట.
దూకుడు సినిమాతో విజయాన్నందించినా ఆగడుతో మహేష్ కి అపజయాన్నిచ్చిన శ్రీనువైట్ల సూపర్ స్టార్ ని కలవడం వెనుక ఆంతర్యం ఏమై ఉంటుందా అని అందరు మాట్లాడుకుంటున్నారు. ప్రస్తుతం పెద్ద హీరోలెవరు ధైర్యం చేసి శ్రీనువైట్లకి దర్శకత్వం చేసే అవకాశం ఇవ్వరు కనుక పెద్ద హీరోకి తక్కువ, చిన్న హీరోలకు ఎక్కువైన కొందరు హీరోలు తనతో సినిమా చేసేందుకు తయారుగా ఉన్నారు. కాని శ్రీనువైట్ల మాత్రం మళ్లీ చేస్తే పెద్ద హీరోతోనే చేయాలని అనుకుంటున్నాడట.
అందుకే మహేష్ బాబుని కలిసే అవకాశం కోసం చూస్తున్నాడని అంటున్నారు. అయితే మహేష్ ఇప్పటికే బ్రహ్మోత్సవం సినిమా చేస్తున్నాడు ఆ సినిమా తర్వాత మురుగదాస్ సినిమా కూడా వెంటనే ఉంది కాబట్టి మహేష్ ని బుట్టలో పడేసుకుందాం అనుకున్న శ్రీనువైట్ల ఆశలు అడి ఆశలే అవుతాయి. ఒకవేళ మహేష్ ని కలిసేది సినిమా కోసం కాకుండా వేరే ఇంకా ఏదన్నా విషయం ఉంటుందా అన్నది కూడా తెలియాల్సి ఉంది.
