వి.వి.వినాయక్ అంటే ఒకప్పుడు పెద్ద హీరోలకు మాంచి గురి.. ఆది, ఠాగూర్ లాంటి సినిమాలు చేసినప్పుడు వినాయక్ ప్రతిభ గురించి అందరు మెచ్చుకున్నారు. అయితే అప్పుడు వినాయక్ ని మెచ్చిన వారే ఇప్పుడు అభ్యంతరాలను వ్యక్తం చేస్తున్నారు. అఖిల్ సినిమా సరిగా ఆడకపోవడానికి కారణం అందరు కలిసి వినాయక్ అనే సరికి కాస్త మనో వేదనలో పడ్డడట వినాయక్. ఆఖరికి తను హీరోగా పరిచయం చేసిన నితిన్ తన మీద ఫిల్మ్ చాంబర్ లో ఫిర్యాదు చేసేసరికి ఆలోచనలో పడ్డాడని తెలుస్తుంది.
కాస్త విశ్రాంతి తీసుకోవాలనే ఆలోచనతో ఉన్నట్టు తెలుస్తుంది. తన దగ్గరకు వస్తున్న నిర్మాతలకు కూడా ఒక రెండు మూడు నెలలు తనని ఎవరు ఇబ్బంది పెట్టొద్దు అని చెప్పి పంపిస్తున్నాడట. అఖిల్ సినిమాకు వెలిగొండ శ్రీనివాస్ కథ అందించగా, కోనా వెంకట్ మాటలు అందించాడు. ఇప్పుడు అందరు సైడ్ అయిపోయి అఖిల్ ఆడకపోవడం మొత్తం బాధ్యత వినాయక్ అంటున్నారు.
ప్రస్తుతం కొద్ది రోజులు విశ్రాంతి తీసుకుని తర్వాత మళ్లీ అందరికి టచ్ లో వచ్చే ప్రయత్నం చేస్తున్నాడట వినాయక్. అయినా సినిమాలన్నాక జయాలు అపజయాలు సాధారణమే అయితే వినాయక్ అఖిల్ విషయంలో ఇంతలా బాధపడటానికి ఈ కారణమేనా మరో కారణం ఏమైనా ఉందా అన్నది తెలియాల్సి ఉంది.
