టైటిల్ కాస్త షాక్ అయ్యేలా ఉన్నా అది నిజమండి.. అదేంటి బాహుబలి, శ్రీమంతుడు లాంటి ఇండస్ట్రీ హిట్లు ఉండగా సన్నాఫ్ సత్యమూర్తి ఎలా ఉత్తమ చిత్రంగా నిలుస్తుందని భావన కలగొచ్చు.. అసలు విషయం ఏంటంటే సంవత్సరం పూర్తి కావొచ్చిన ఈ సందర్భంలో ఏ సినిమా బెస్ట్, ఏ సినిమా వరస్ట్ అనే విశ్లేషణ చేస్తుంటారు. అయితే ఆ క్రమంలో యాపిల్ ఐ ట్యూన్స్ వారు ప్రతి సంవత్సరంలానే ఈ ఇయర్ కూడా అత్యధికంగా ఆదరణ పొందిన ఆల్బం ని ప్రకటించారు.
యాపిల్ ఐ ట్యూన్స్ వారు ప్రతి సంవత్సరం ఏర్పాటు చేసే ఈ అవార్డ్ ని ఈ సంవత్సరం రాక్ స్టార్ దేవి శ్రీ ప్రసాద్ సొంతం చేసుకున్నాడు. ఆడియో క్వాలిటీని కూడా ఈ పోటీల్లో పరిగణలో తీసుకుంటారని తెలిసింది. అన్ని విధాలుగా స్సన్నాఫ్ సత్యమూర్తి ఆల్బం ముందంజలో ఉండటం చేత ఈ సంవత్సరం టాలీవుడ్ బెస్ట్ ఆల్బం అవార్డ్ సన్నాఫ్ సత్యమూర్తి సినిమాకు దక్కింది. త్రివిక్రం శ్రీనివాస్ దర్శకత్వం వహించిన ఈ సినిమాలో స్టైలిష్ స్టార్ అల్లు అర్జున్ హీరోగా నటించారు.
కన్నడ స్టార్ హీరో ఉపేంద్ర చాలా కాలం తర్వాత నటించిన తెలుగు సినిమా ఇదే కావడం విశేషం. హాసిని & హారిక క్రియేషన్స్ పతాకంలో కె.ఎం.రాధాకృష్ణ ఈ సినిమాను నిర్మించగా సమంతా హీరోయిన్ గా నటించింది. సినిమా అనుకున్నంత భారీ హిట్ అవ్వకపోయినా 50 కోట్లకు పైగా కలక్షన్స్ సాధించి సంచలనం సృష్టించింది.
