బెంగాల్ టైగర్ అంటూ నిన్న థియేటర్స్ లో సందడి చేశాడు మాస్ మహరాజ్ రవితేజ. రవితేజ మార్క్ ఫుల్ లెంథ్ మాస్ ఎనర్జిటిక్ సినిమాగా వచ్చిన బెంగాల్ టైగర్ మొదటి షో నుండి పాజిటివ్ టాక్ తెచ్చుకుంది. కిక్-2 ఫ్లాప్ తో కాస్త నీరసపడ్డ రవితేజ ఆ కసిని ఈ సినిమాలో చూపించాడు. ఇక రచ్చతో కమర్షియల్ సినిమాలు తీయడంలో పరిపూర్ణత సంపాదించిన సంపత్ నంది ఈ సినిమాని కూడా దర్శకత్వం పరంగా ఓకే అనిపించుకున్నాడు.
తమన్నా, రాశి ఖన్నాల అందాలు హైలెట్ గా నిలిచిన ఈ సినిమా ప్రపంచ వ్యాప్తంగా భారీ రేంజ్ లోనే విడుదల అయ్యింది. తెలుగు రాష్ట్రాల్లోనే 750 థియేటర్స్ పైగా విడుదలైన బెంగాల్ టైగర్ మొదటి రోజు అన్ని ఏరియాల్లో కలిపి 12 కోట్ల గ్రాస్ కలక్షన్స్ ని సాధించిందని ట్రేడ్ టాక్. ఫ్లాపులతో సతమతమవుతున్న రవితేజకి ఈ సినిమా మంచి ఓపెనింగ్ కలక్షన్స్ సాధించి తన స్టామినాను మరోసారి ప్రూవ్ చేసింది.
స్టార్ హీరోల సినిమాలను అభిమానులకు ఏవిధంగా చేరువెయ్యాలో బాగా తెలిసిన సంపత్ ఈ సినిమాలో రవితేజతో పలికించిన డైలాగులు.. సినిమాకు వాడిన నేపథ్య సంగీతం సినిమాకు బాగా ఉపయోగపడ్డాయి. మరి మొదటిరోజైతే టైగర్ బాగానే గర్జించాడు ఎలాగు వీకెండ్ కాబట్టి ఈ మూడు రోజులు కూడా కలక్షన్స్ బాగానే వసూలు చేసే అవకాశం ఉంది.
