కెరియర్ అంతంత మాత్రంగా సాగుతున్న సమయంలో నిఖిల్, స్వాతిలకు సుధీర్ వర్మ ‘స్వామి రారా’ హిట్ మంచి జోష్ ఇచ్చింది. ఇక అదే ఊపుతో కార్తికేయ అంటూ వచ్చి మరో హిట్ వారి ఖాతాలో వేసుకున్నారు. రెండు వరుసెంట హిట్లు పడ్డ ఈ కాంబినేషన్ అంటే దర్శక నిర్మాతలకు కూడా క్రేజే. అందుకే నిఖిల్ తర్వాత తీసే సినిమాలో హీరోయిన్ గా ముందు స్వాతిని అడిగారట సదరు దర్శక నిర్మాతలు.
నిఖిల్ హీరో అని చెప్పగానే నిఖిల్ అయితే తాను చేయను అనేసిందట. అరె విచిత్రం ఇద్దరు మంచి జోడీ అనే నిర్మాత ఆమె డేట్స్ కోసం వస్తే స్వాతినేమో నిఖిల్ అయితే చేయనని తెగేసి చెప్పడంతో ఆశ్చర్య పోయాడట. స్వాతి సినిమా చేయనని చెప్పడానికి కారణాలు అన్వేషించే పనిలో పడ్డారు ఫిల్మ్ నగర్ సర్కిల్స్. సినిమాలో స్వాతిది లీడ్ హీరోయిన్ పాత్రే అయినా ఇంకో ఇద్దరు ముద్దుగుమ్మలు సినిమాలో ఉన్నారట.
అయితే వారితో కలిసి పనిచేయడం ఇష్టం లేకనే స్వాతి సినిమా చేయనని చెప్పిందట. అన్నట్టు స్వాతి కాకుండా ఇందులో నటిస్తున్న హీరోయిన్ ఎవరో కాదు ఇద్దరమ్మాయిలతో సినిమాతో సూపర్ క్రేజ్ సంపాధించిన కేథరిన్ థెరిసా. కేథరిన్ తో పోటీ ఎందుకో అనుకుందో ఏమో స్వాతి నో చెప్పడంతో కాస్త ఆలోచనలో పడ్డారట దర్శక నిర్మాతలు. త్వరలోనే సినిమాకు సంబందించిన పూర్తి వివరాలతో ప్రేక్షకులముందు వచ్చే ఆలోచనలో ఉన్నారు చిత్ర యూనిట్.
