సౌత్ సిని పరిశ్రమలో హీరోయిన్ అనుష్కకు ఉన్న క్రేజ్ ఎవరికి ఉండదు కావొచ్చు. అరుంధతితో మొదలైన ఆమె కథానాయికా సినిమాల ప్రస్థానం నిన్న మొన్నటి రుద్రమదేవి, సైజ్ జీరో సినిమాల దాకా కొనసాగుతూనే ఉంది. అయితే ఎంత లీడ్ రోల్ చేసినా పారితోషికం విషయంలో హీరోలే ఎప్పుడు ముందడుగులో ఉంటారు అయితే అనుష్క ఆ రికార్డుని బ్రేల్ చేసి హయ్యెస్ట్ రెమ్యునరేషన్ తీసుకునే హీరోయిన్ గా సంచలనం సృష్టించబోతుంది.
అనుష్క ప్రధాన పాత్రలో క్రియేటివ్ దర్శకుడు కృష్ణవంశీ తెరకెక్కిస్తున్న చిత్రం రుద్రాక్ష. దిల్ రాజు నిర్మాతగా వ్యవహరిస్తున్న ఈ సినిమాకు గాను అనుష్క భారీ రెమ్యునరేషన్ డిమాండ్ చేసిందని అంటున్నారు. ప్రస్తుతం అనుష్కకి ఉన్న క్రేజ్ దృష్ట్యా రుద్రాక్ష సినిమాకు ఆమె 3.20 కోట్లు అడిగిందట. హీరోలకు ఎన్ని కోట్లు దాటినా సరే హీరోయిన్ అంటే 1 కోటి నుండి 2 కోట్లు ఇవ్వడమే గమనార్హం అలాంటిది అనుష్క రుద్రాక్ష సినిమాకు 3 కోట్లకు పైగా డిమాండ్ చేయడం కాస్త ఆశ్చర్యంగా ఉంది.
దిల్ రాజు కథ మీద నమ్మకంతో అనుష్క అడిగినంతా ఇవ్వడానికి ఓకే అన్నాడని తెలుస్తుంది. ఇదే నిజమైతే సౌత్ సిని పరిశ్రమలో అత్యధిక పారితోషికం తీసుకున్న కథానాయికగా అనుష్క మరో అరుదైన రికార్డ్ తన సొంతం చేసుకున్నట్టే..! ప్రస్తుతం బాహుబలి కంక్లూజన్, సింగం-3 సినిమాలను ముగించుకుని గాని అనుష్క కృష్ణవంశీ సినిమా చేసే అవకాశం లేదు.
