బాహుబలితో ప్రభస్ క్రేజ్ ఎక్కడికో వెళ్లిపోయిందని ప్రత్యేకంగా చెప్పాల్సిన పనిలేదు. అందుకే నేషనల్ యాడ్స్ లో కూడా ప్రభాస్ తీసుకునేందుకు క్యూలు కడుతున్నారు. అయితే ఈ మధ్య ప్రభాస్ కుర్ర హీరోలకు మంచి సపోర్ట్ గా నిలవడం విశేషం. మొన్ననే మెగా హీరో వరుణ్ తేజ్ లోఫర్ ఆడియోకి అతిథిగా వెళ్లిన ప్రభాస్ ఇప్పుడు మరో యంగ్ హీరో సినిమా ఆడియోకి అతిథిగా రానున్నాడట.
యు.వి కిరియేషన్స్ పతాకంలో వంశీ, ప్రమోద్ నిర్మిస్తున్న సినిమా ఎక్స్ ప్రెస్ రాజా. విలక్షణ నటుడు శర్వానంద్ హీరోగా చేస్తున్న ఈ సినిమాకు మేర్లపాక గాంధి దర్శకత్వం వహిస్తున్నాడు. మొదటి సినిమా వెంకటాద్రి ఎక్స్ ప్రెస్ తో పరిశ్రమను తనవైపుకి తిప్పుకుని తనలో ఉన్న ప్రతిభను గుర్తించేలా చేసుకున్న మేర్లపాక గాంధి ఈ సినిమాను కూడా మొదటి సినిమాలానే కసితో చేశాడని తెలుస్తుంది.
యు.వి క్రియేషన్స్ అధినేతలు స్వయాన యంగ్ రెబల్ స్టార్ ప్రభాస్ కి సన్నిహితులు కావడం చేత వారి ఆహ్వానాన్ని మన్నించి ఆడియో విడుదలకు వస్తున్నాడు ప్రభాస్. ఈ బ్యానర్ నుండి ఇదవరకు వచ్చిన రెండు మూడు సినిమాలకు కూడా ప్రభాస్ చేతు మీదుగానే ఆడియో విడుదల జరిగింది. ఆ సెంటిమెంట్ ప్రకారం కూడా ప్రభాస్ ఎక్స్ ప్రెస్ రాజా ఆడియో విడుదల చేస్తున్నాడు. సినిమా కూడా సంక్రాంతి రేసులో దించాలని భావిస్తున్నారు దర్శక నిర్మాతలు. శర్వానంద్ తో సురభి జతగా నటిస్తున్న ఈ సినిమాకు ప్రవీణ్ లక్కరాజు సంగీతం అందిస్తున్నాడు.
