మాస్ మహరాజ్ రవితేజ అంటే అటు స్టార్ హీరో ఇటు కుర్ర హీరోలకు మధ్య ఉంటాడు. ఒక్కోసారి స్టార్ హీరోల మాదిరి సూపర్ హిట్ లు కొట్టేస్తూ తన స్టామినా ఇది అని తెలియచేస్తుంటాడు. మరోసారి కుర్ర హీరోల్లా అవగాహణా లోపం సినిమాలో కనిపించేలా చేస్తాడు ఏం చేసినా అతని అభిమానులు ఆయన తీసే సినిమాలతో కిక్ ఎక్కాలని కోరుకుంటారు. ఇటీవల విడుదల అయిన బెంగాల్ టైగర్ సినిమా ఓ మోస్తారు హిట్ గా నిలిచింది.

ఈ సినిమా తర్వాత వరుసెంట సినిమాలు చేస్తున్న రవితేజ స్వామిరారా సినిమాతో మంచి క్రేజ్ సంపాధించిన యువ దర్శకుడు సుధీర్ వర్మతో ఓ సినిమా తీస్తున్నాడు. సుధీర్ వర్మ పోయిన ఏడాది నాగచైతన్యతో తీసిన దోచేయ్ సినిమా అపజయపాలవ్వడంతో ఈ సారి మరింత కసితో ఈ సినిమాకు సిద్ధమయ్యాడు. ప్రస్తుతం ఈ సినిమాకు సంబంధించిన ప్రి ప్రొడక్షన్ వర్క్ జరుగుతున్నాయి.

తెలుస్తున్న కథనాల ప్రకారం ఈ సినిమాలో రవితేజ ద్విపాత్రాభినయం చేస్తున్నాడట. రవితేజతో తీసే సినిమా ఎలాగైనా హిట్ కొట్టాలనే కసితో సుధీర్ స్క్రిప్ట్ మీద పూర్తి ఏకాగ్రత సాధిస్తున్నాడట. రవితేజ ఈ సినిమాలో 50 ఏళ్ల వాడిలా ఒక పాత్రలో కనిపిస్తూ మరో పాత్రలో యువ హీరోగా ఆకట్టుకుంటాడట. మరి ఈ చిత్రానికి సంబంధించిన మిగతా విషయాలన్నీ త్వరలో బయటకు వస్తాయని తెలుస్తుంది.