పండుగ సందర్భం వచ్చిందంటే సినిమా వాళ్లు కూడా తమ తమ అభిమానులకు మంచి మంచి కానుకలిస్తూ అలరిస్తుంటారు. అయితే ప్రతి పండుగ లానే కొత్త సంవత్సరం కూడా ఓ పండుగలా భావిస్తారు ప్రేక్షకులు. అందుకే న్యూ ఇయర్ గిఫ్ట్ గా ప్రతి హీరో తమ అభిమానులకు తాము నటిస్తున్న సినిమాలకు సంబందించిఏదో ఒక ప్రత్యేకమైన కానుక ఇస్తారు. ఇప్పుడు ఆ దారిలో సూపర్ స్టార్ మహేష్ కూడా ఈ కొత్త సంవత్సరానికి ఓ ఊహించని కానుక ఇచ్చేందుకు సిద్ధమయ్యాడట.
ప్రిన్స్ మహేష్ ప్రస్తుతం నటిస్తున్న సినిమా బ్రహ్నోత్సవం.. ఊటీలో షూటింగ్ జరుపుకుంటున్న ఈ చిత్ర యూనిట్ దిగిన సరదా ఫోటోలు ఇప్పుడు సోషల్ మీడియాలో హల్ చల్ చేస్తున్నాయి. అయితే అవేందుకు చూడటం దండగ సినిమాకు సంబంధించి ఫస్ట్ లుక్ పోస్టర్స్ విడుదల చేస్తున్నాం చూసి ఎంజాయ్ చేయండి అంటున్నాడు మహేష్. అవునండి ఈ కొత్త సంవత్సరానికి మహేష్ నటిస్తున్న బ్రహ్మోత్సవం ఫస్ట్ లుక్ పోస్టర్ ని విడుదల చేస్తున్నారట.
కేవలం అభిమానుల కోసమే ఈ కానుక ఇస్తున్నట్టు సమాచారం. ఇంతవరకు బ్రహ్మోత్సవం టైటిల్ కార్డ్ తప్పించి సినిమా గురించి ఎటువంటి న్యూస్ బయటకు రాలేదు. సో ఈ కొత్త సంవత్సరానికి మహేష్ బాబు అభిమానుల కోసం సినిమా ఫస్ట్ లుక్ ని రిలీజ్ చేస్తున్నాడన్నమాట. కుటుంబ కథా చిత్రంగా తెరకెక్కుతున్న ఈ సినిమా పివిపి బ్యానర్లో పరం వి పొట్లూరి నిర్మిస్తుండగా శ్రీకాంత్ అడ్డాల దర్శకత్వం వహిస్తున్నారు.
