ఒక భాషలో సినిమా విజయం సాధించింది అంటే ఆ సినిమాను అన్ని భాషల్లో రీమేక్ చేసే సాంప్రదాయం ఎప్పటినుండో వస్తుంది. ఈ సంవత్సరం బ్లాక్ బస్టర్ హిట్ సాధించిన భలే భలే మగాడివోయ్ సినిమా తమిళ, మలయాళం, కన్నడ భాషల్లోనే కాకుండా హిందీ హక్కులు కూడా భారీగానే అమ్ముడయ్యాయి. అయితే ఈ సినిమా కన్నడ రీమేక్ రాక్ లైన్ వెంకటేష్, అల్లు అరవింద్ కలిసి నిర్మించడం విశేషం. శాండిల్ వుడ్ క్రేజీ హీరో అక్కడ లీడ్ రోల్ చేస్తుండగా, క్యూట్ బ్యూటీ శాన్వి హీరోయిన్ గా ఓకే అయ్యిందట.
తెలుగులో లవ్ లీ, అడ్డా సినిమాల్లో నటించి ప్రేక్షకులను అలరించినా సరిన అవకాశాలు రాక కన్నడ సినిమాలకు వెళ్లిన అమ్మడు అక్కడ చేసిన సినిమాలన్ని మంచి విజయం దక్కించుకోవడంతో సూపర్ క్రేజ్ సంపాధించింది. అయితే భలే మగాడివోయ్ నందన పాత్రలో శాన్వి అయితే కరెక్ట్ సూట్ అవుతుందని భావించి ఆమెను సెలెక్ట్ చేశారు చిత్ర యూనిట్. కెరియర్ సూపర్ ఫాంలో ఉన్న అమ్మడికి ఇది ఓ విధంగా లక్కీ ఛాన్స్ అనే చెప్పాలి.
తెలుగులో నాని, లావణ్య త్రిపాఠి జంటగా నటించిన ఈ సినిమా మారుతి దర్శకత్వం వహించాడు. చిన్న బడ్జెట్ తో రూపొందించబడ్డ ఈ సినిమా భారీ లభాలను తెచ్చిపెట్టిన సంగతి తెలిసిందే. మరి శాండిల్ వుడ్ భలే భలే మగాడు ఎలాంటి ఫలితాన్ని పొందుతాడో చూడాలి.
