రామ్ చరణ్ తేజ్ భాగస్వామిగా ఉన్న ట్రూ జెట్ మెగా ఎయిర్ సర్వీస్ సంస్థ రెండు విమానాలతో తన సేవలను ఆరంభించింది. నిన్న క్రిస్మస్ పండుగ సందర్భంగా ముచ్చటగా మూడవ విమానం కూడా ట్రూ జెట్ సంస్థ అందుకొంది. ట్రూ జెట్ వద్ద 02-ఎటిఆర్-72 మోడల్ కి చెందిన రెండు విమానాలున్నాయి. నిన్న హైదరాబాద్ చేరుకొన్న మూడవ విమానం కూడా అదే మోడల్ కి చెందింది. కేంద్ర పౌర విమానయాన సంస్థ నుండి అన్ని అనుమతులు రాగానే ఈ విమానం కూడా సేవలు అందిస్తుంది.
ట్రూ జెట్ విమాన సేవలు మొదలయ్యి కొన్ని నెలలే అయినప్పటికీ, ఈ నెలతో కలిపి అప్పుడే దానిలో మొత్తం లక్ష మంది ప్రయాణించినట్లు ఆ సంస్థ ప్రతినిధి తెలిపారు. ఈ శుభ సందర్భంగా ట్రూ జెట్ ప్రతీ వారం ఒక లక్కీ డ్రా తీసి ఒక ప్రయాణికుడికి రూ. లక్ష రూపాయలు బహుమానం ఇస్తోంది. ఈ నెలలో బెంగళూరుకి చెందిన ఎస్. సురేష్ అనే ప్రయాణికుడు లక్ష రూపాయల బహుమానం అందుకొన్నారని ట్రూ జెట్ సంస్థ ప్రతినిధి తెలిపారు.
