అక్కినేని నాగార్జున అలియాస్ కింగ్ అలియాస్ మన్మధుడు అలియా సోగ్గాడు అంటూ ఇలా చెప్పుకుంటూ పోతే నాగ్ కి అసలు పేరు కన్నా ముద్దు పేర్లే ఎక్కువ ఉంటాయేమో ప్రతి సినిమాలో వైవిధ్యంతో పాటు మంచి సినిమా తెలుగు ప్రేక్షకులకు అందించాలనే తపన నాగ్ సినిమాలో కనిపిస్తాయి. కొత్తదనం కోసం తపించే హీరోల్లో నాగార్జున ఒకరు. ఆరుపదుల వయసు దగ్గర పడుతున్నా ఏమాత్రం సంకోచించకుండా ఎలాంటి పాత్రలనైనా.. ఎలాంటి ప్రయోగాలనైనా చేసేందుకు సిద్ధమవుతాడు.

ఇక ప్రస్తుతం నాగార్జున నటించిన సినిమా సోగ్గాడే చిన్ని నాయనా. కళ్యాణ్ కృష్ణ దర్శకత్వం వహిస్తున్న ఈ సినిమా ఆడియో వేడుక నిన్న హైదరాబాద్ లో జరిగింది. అక్కినేని అభిమానుల కోలాహలంతో జరిగిన ఈ ఆడియో వేడుకలో కింగ్ నాగార్జున తన మార్క్ కొత్తదనాన్ని ఆడియో వేడుకలో కూడా కనబడేలా చేశాడు. ఆడియో విడుదల ట్రైలర్ లైవ్ అంటూ ఒక వారం నుండి హడావిడి చేసిన మీడియాకు నాగ్ మరింత అదిరిపోయే షాక్ ఇచ్చాడు.

లైవ్ ట్రైలర్ తో వస్తాడనుకుంటే. ఏకంగా సినిమాలోని పాటలన్నిటికి స్టెప్స్ వేసి అభిమానులను క్రిస్ మస్ గిఫ్ట్ ఇచ్చాడు. సినిమాలో నటించిన ప్రతి హీరోయిన్ తో స్టెప్స్ వేయించిన నాగ్ చివరగా తను కూడా కాలుకదిపి దట్ ఈజ్ కింగ్ అనిపించుకున్నాడు. సంక్రాంతికి వస్తున్నాం హిట్ కొడుతున్నాం అంటూ మాట్లాడిన నాగ్ మాటలకు అక్కినేని అభిమానుల కేరింతలతో ఆడిటోరియం అంతా హుశారెత్తింది. మరి లైవ్ ట్రైలర్, లైవ్ పర్ఫార్మెన్స్ ఇలా ప్రతిది కొత్తగా చేయబట్టే టాలీవుడ్ ప్రేక్షకులు ఆయన్ను కింగ్ ని చేశారు..మీరేమంటారు..!