ఎస్.ఎం.ఎస్ సినిమాతో హీరోయిన్ గా తెరంగేట్రం చేసింది రెజినా.. చూడ్డానికి ముద్దుగా కనిపించిన ఈ అమ్మడు ఆ సినిమాతో మంచి క్రేజ్ సంపాధించింది. అయితే ఆమె తర్వాత వచ్చిన రకుల్ స్టార్ హీరోయిన్ స్థాయికి ఎదిగింది కాని రెజినా మాత్రం ఇంకా కుర్ర హీరోలతోనే సినిమాలు తీసుకుంటూ వస్తుంది. ఇక ఇటీవల విడుదలైన సౌఖ్యం సినిమాతోనైనా తన తలరాత మారుతుంది అని భావించినా లాభం లేకుండా పోయింది.
సౌఖ్యం సినిమా మీద ఎన్నో ఆశలు పెట్టుకున్న రెజినా ఆ సినిమా ఫలితం నిరాశపడేలా చేసింది. ప్రస్తుతం చేస్తున్న మంచు మనోజ్ శౌర్య మీద ఫోకస్ పెట్టేసింది. సంతోషం సినిమా దర్శకుడు దశరథ్ దర్శకత్వం వహిస్తున్న శౌర్య సినిమా అయినా సూపర్ సక్సెస్ అయ్యి రెజినాని స్టార్ హీరోయిన్ గా అందలం ఎక్కిస్తుందా లేదా అనేది చూడాలి.
సినిమా సినిమాకు గ్లామర్ డోస్ పెంచుతున్నా అమ్మడికి ఇంకా స్టార్ హీరోల సినిమాల్లో అవకాశాలు రాకపోవడంతో కాస్త బుంగమూతి పెట్టుకుందని అంటున్నారు. అమ్మడు ఆశిస్తున్న స్టార్ అవకాశం త్వరలోనే రావాలని ప్రస్తుతం నటిస్తున్న శౌర్య సినిమా సూపర్ హిట్ అయ్యి రెజినాకి మంచి క్రేజ్ తీసుకురావాలని కోరుకుందాం.
