కుమారి 21ఎఫ్ సినిమాతో సూపర్ హిట్ కొట్టిన కుమారి హెబ్బా పటేల్ లక్ తోక తొక్కిందనే చెప్పాలి. మొదటి సినిమా ‘అలా ఎలా’ ఎవరికి తెలియకపోయినా రెండో సినిమా సుకుమార్ చేతిలో పడి సూపర్ సక్సెస్ అందుకుంది. అయితే సుకుమార్ నిర్మాణంలో సక్సెస్ అందుకున్న హెబ్బా పటేల్ ఇప్పుడు సుకుమార్ దర్శకత్వంలో ఎన్టీఆర్ నన్నకు ప్రేమతోలో కూడా ఛాన్స్ కొట్టేసిందని తెలిసిందే.

కుమారి తర్వాత నాన్నకు ప్రేమతోలో అవకాశం అందిపుచ్చుకున్న హెబ్బా యంగ్ టైగర్ సినిమాలో ఏదో చిన్న రోల్ అనుకున్నారు. కాని తెలుస్తున్న సమాచారం ప్రకారం సినిమాలో హెబ్బా ఎన్టీఆర్ మరదలి పాత్ర చేస్తుందట. ఈ పాత్ర కోసం పలువురు స్టార్ హీరోయిన్స్ ని కూడా అడిగారట, చివరకు ఆ అదృష్టం కుమారిని వరించింది. సినిమాలో మరదలిగా నటిచిన హెబ్బా పటేల్ పాత్ర కూడా చాలా ప్రాముఖ్యత ఉందట. అంతేకాదు సినిమాలో ట్విస్ట్ లకు మరదలి పాత్ర చాలా కీలకమైందట.

మరి ఎన్టీఆర్ సినిమాలో ప్రాముఖ్యత గల పాత్ర అంటే స్టార్ హీరోయిన్ గా అమ్మడికి రెడ్ కార్పెట్ వేసినట్టే. మరి కుమారి ఈ అవకాశాన్ని ఎలా ఉపయోగించుకుందో తెలుసుకోవాలంటే సినిమా విడుదల దాకా వెయిట్ చేయాల్సిందే. ఏది ఏమైనా హెబ్బా పటేల్ కు సుకుమార్ గాడ్ ఫాదర్ అయ్యాడని మాత్రం చెప్పొచ్చు.