మహేష్ బాబు హీరోగా నటించిన శ్రీమంతుడు సినిమాలో రాహుల్ రవీంద్రన్ తన ప్రతిభని నిరూపించుకొని అందరినీ ఆకట్టుకొన్నాడు. త్వరలో అతను ‘విప్ లవ్’ దర్శకత్వంలో ఒక సినిమా చేయబోతున్నాడు. దానికి ‘శోభన్ బాబు’ అనే టైటిల్ ఖరారు అయ్యింది. ఆ సినిమాలో రాహుల్ రవీంద్రన్ ముగ్గురు అందాల భామలతో రొమాన్స్ చేయబోతున్నాడు. ఇదివరకే పార్వతీ నాయర్, నిత్యా షెట్టి అందులో హీరోయిన్లుగా ఖరారు అయ్యేరు. ఇప్పుడు తాజాగా మంగళూరుకు చెందిన ఐషాని షెట్టి మూడో హీరోయిన్ గా ఖరారు అయ్యింది. ఈ సినిమా ప్రీ ప్రొడక్షన్ పనులు ఇప్పటికే దాదాపు పూర్తయ్యాయి. త్వరలోనే రెగ్యులర్ షూటింగ్ మొదలవుతుంది. సినిమాలో చాలా వరకు హైదరాబాద్ లోనే జరుగుతుంది. పాటల షూటింగ్ కోసం కేరళ మరియు విదేశాలకు వెళ్ళే అవకాశం ఉంది. ఈ సినిమాకి రమణ గోగుల సంగీతం సమకూర్చుతున్నారు.