కమెడియన్ కమ్ హీరో సునీల్ హీరోగా శ్రీ వెంకటేశ్వర క్రియేషన్స్ బ్యానర్లో దిల్ రాజు నిర్మిస్తున్న సినిమా కృష్ణాష్టమి. వాసు వర్మ డైరెక్ట్ చేస్తున్న ఈ సినిమాలో నిక్కి గాల్రాని, డింపుల్ చోపడే హీరోయిన్స్ గా చేస్తున్నారు. ఇటీవలే రాజమండ్రి జీ.ఐ.ఈ.టీ కాలేజ్ లో ఆడియో వేడుక జరుపుకున్న ఈ సినిమా ఫిబ్రవరి 5న రిలీజ్ అవనుంది. జోష్ సినిమాతో ఫ్లాప్ దర్శకుడిగా పేరు తెచ్చుకున్న వాసు వర్మ ఈ సినిమాతో హిట్ కొడతాడనే నమ్మకం ఉందని అన్నాడు రాజు.

కేవలం వాసు వర్మ కోసమే ఈ సినిమా చేశామని.. సినిమా కోసం తానో సబ్జెక్ట్ అనుకోగా ఈ సబ్జెక్ట్ చేతిలో పెట్టి డైరెక్ట్ చేయమని చెప్పి ప్రోత్సహించామని అన్నారు. ఈ సినిమాతో కొత్త సంగీత దర్శకుడు దినేష్ ను పరిచయం చేస్తున్నామని.. చోటా కె నాయుడి సినిమాటోగ్రఫి అందించిన ఈ సినిమా సునీల్ కు కచ్చితంగా సక్సెస్ అందిస్తుందని భావిస్తున్నానని అభిప్రాయపడ్డాడు.

మరి నిర్మతగా దిల్ రాజు లెక్కలు ఎప్పుడు తప్పలేదు. సునీల్, వాసు వర్మల కోసం దిల్ రాజు చేసిన ఈ కృష్ణాష్టమి సినిమా ప్రేక్షకులను ఆకట్టుకుంటుందో లేదో తెలియాలంటే సినిమా వచ్చేదాకా వెయిట్ చేయాల్సిందే..!