ఉయ్యాల జంపాల సినిమాతో దర్శకత్వ శాఖలో పనిచేసే కుర్రాడు కాస్త హీరో అయ్యాడు. పోనీలే హీరో అయ్యాడు ఏదో సినిమాలు చేస్తున్నాడులే అనుకుంటే దాదాపు దశాబ్ధ కాలంపాటు వచ్చిన కుర్ర హీరోలు సాధించలేని మాస్ ఇమేజ్ ని సాధించి యూత్ లో మంచి ఫాలోయింగ్ ని ఏర్పరచుకున్నాడు రాజ్ తరుణ్. కుమారి హిట్ తో హ్యాట్రిక్ అందుకున్న ఈ కుర్రాడు తాజాగా ‘సీతమ్మ అందాలు రామయ్య సిత్రాలు’ సినిమాతో ప్రేక్షకులముందుకు వచ్చేందుకు సిద్ధమయ్యాడు.

శ్రీనివాస్ గోవిరెడ్డి దర్శకత్వం వహిస్తున్న ఈ సినిమాలో అర్తన హీరోయిన్ గా నటించింది. శ్రీ శైలేంద్ర ప్రొడక్షన్స్ పతాకంలో శ్రీమతి పూర్ణిమ ఎస్.బాబు సమర్పణలో ఎస్.శైలేంద్ర బాబు, కె.వి.శ్రీధర్ రెడ్డి, హరీష్ దుగ్గిశెట్టి ఈ సినిమాను నిర్మిస్తున్నారు. సినిమా ట్రైలర్ కూడా అద్భుతంగా ఉంది. సినిమా చూపిస్త మావ లాంటి యూత్ ఫుల్ మాస్ సినిమాతోనే మరోసారి ప్రేక్షకులను అలరించేందుకు రాబోతున్నాడు రాజ్.

నిన్న జరిగిన ఆడియో వేడుకలో విడుదల చేసిన ట్రైలర్ చూస్తే.. రాజ్ తరుణ్ ఖాతాలో మరో హిట్ గ్యారెంటీ అనేట్టుగా ఉంది. ప్రస్తుతం చిత్రీకరణ పూర్తి చేసుకున్న ఈ సినిమా నిర్మాణానంతర కార్యక్రమాలు ముగించుకుని ఈ నెల 29న విడుదలకు సిద్ధం అవుతుంది.