పవన్ ఈ మద్య బుల్లితెరపై కనువిందు చేయబోతున్నాడనే వార్త హడావిడి చేసిన సంగతి తెలిసిందే. విషయం తెలుసుకున్న ఫ్యాన్స్ ఎగిరిగంతెస్తున్నారు. తమ అభిమాన నటుడు బుల్లితెర మీద ఎప్పుడు దర్శమిస్తాడా అని ఈగర్ వెయిట్ చేస్తున్నారు. అయితే కొంతమంది పవర్ స్టార్ బుల్లితెర ఎంట్రీ వెనుక అసలు కారణం వేరేగా ఉందని రకరకాల రూమర్స్ సృష్టిస్తున్నారు.. వాటిలో ముఖ్యంగా తన జన సేన పార్టీ కోసం నాయకులను వెతికే పనిలో భాగంగానే ఈ కార్యక్రమానికి తను హోస్ట్ గా చేస్తున్నాడని అంటున్నారు.
తన పార్టీ గురించి మీడియా ప్రశ్నించినప్పుడల్లా.. మంచి నాయకుల కోసం వెయిట్ చేస్తున్నానని చాలా సందర్బాల్లో చెప్పిన సంగతి తెలిసిందే.. ఈ షో ద్వారా ఇటు అభిమానులకు సామాన్య ప్రజలను చైతన్య పరుస్తూ.. తనకు కావల్సిన సమర్ధవంతమైన నాయకులను పార్టీలో చేర్చుకునే ఆలోచనతో ఈ ప్రోగ్రాంను తలపెట్టబోతున్నాడట పవన్.
కార్యక్రమానికి ఒకే చెప్పేందుకు అసలు కారణం ఇదే అంటూ గుసగుసలు వినిపిస్తున్నాయి. ‘సత్యమేవ జయతి’ అంటూ బాలీవుడ్ లో అమీర్ ఖాన్ చేస్తున్న కార్యక్రమంలానే పవన్ కళ్యాన్ చేసే ప్రోగ్రాం కూడా ఉండబోతుందని అంటున్నారు. ప్రస్తుతం సర్దార్ గబ్బర్ సింగ్ షూటింగ్ బిజీలో ఉన్న పవన్ కళ్యాన్ త్వరలో బుల్లితెర కార్యక్రమం గురించి ఓ స్పష్టత వచ్చే అవకాశం ఉంది.
