సుప్రీం అనగానే సుప్రీం కోర్టు…అందులో ఇషా చావ్లా ఐటెం సాంగ్ చేయడం ఏమిటని అనేసుకోవద్దు. సాయి ధరం తేజ్ ప్రస్తుతం చేస్తున్న మాస్ కమర్షియల్ సినిమా పేరు ‘సుప్రీం’ దానిలో ఇషా చావ్లా ఐటెం సాంగ్ చేయబోతోంది. దీనిలో సాయి ధరం రామ్ చరణ్ తేజ్ ఒక క్యాబ్ డ్రైవర్ గా చేస్తున్నాడు. ఈ సినిమాలో హీరోయిన్ గా చేస్తున్న రాశి కన్నా పోలీస్ అధికారిణి పాత్ర చేస్తోంది. దిల్ రాజు నిర్మిస్తున్న ఈ చిత్రానికి అనిల్ రావిపూడి దర్శకత్వం వహిస్తున్నారు. ఈ సినిమా షూటింగ్ దాదాపు పూర్తి కావస్తోంది. ఈ సినిమాకి చాలా కీలకమయిన క్లైమేక్స్ సీన్ షూటింగ్ ప్రస్తుతం జరుగుతోంది. ఈ సినిమాలో చిన్న అతిధి పాత్లో చేస్తున్న ఇషా చావ్లా ఒక ఐటెం సాంగ్ కూడా చేయబోతోంది.క్లైమేక్స్ సీన్ షూటింగ్ పూర్తికాగానే ఆమెపై ఆ పాటని చిత్రీకరిస్తారు.
ప్రేమ కావాలి సినిమాతో సినీ పరిశ్రమలోకి ప్రవేశించిన ఇషా చావ్లా,’పూల రంగడు,’ ‘శ్రీమన్నారాయణ,”మిష్టర్ పెళ్లి కొడుకు,”జంప్ జిలానీ’ సినిమాలు చేసింది. ఈ మధ్యనే ‘విరాట్’ అనే కన్నడ సినిమాలో కూడా నటించింది. ప్రస్తుతం ‘రంభ ఊర్వశి మేనక,’ ‘డమ్మీ’ అనే మరో రెండు తెలుగు సినిమాలు చేస్తోంది. ఇప్పుడు ఈ సుప్రీంలో కూడా నటించబోతోంది. ఈ సినిమా మార్చి లేదా ఏప్రిల్ నెలలో విడుదల అవవచ్చును.
