టాలీవుడ్ లో కొద్ది రోజులు హవా కొనసాగించి ఆ తర్వాత కోలీవుడ్ వెళ్లిన భామ తాప్సీ పొన్ను. ఢిల్లీలో పుట్టి పెరిగిన ఈ భామ సౌత్ సినిమాల మీద మోజుతో ఇక్కడ సినిమాల్లో నటించి అలా వచ్చిన క్రేజ్ తో బాలీవుడ్ సినిమాల్లో కూడా నటించసాగింది. ప్రస్తుతం తెలుగులో సినిమాలేవి లేకపోయినా కోలీవుడ్, బాలీవుడ్ లో అమ్మడికి క్రేజ్ బాగానే ఉందట.
తన సోయగాలతో తమిళ తంబీల మనసు దోచుకుని.. అందచందాలతో గిలిగింతలు పెడుతున్న ఈ భామ తెలుగులో కన్నా తమిళ సినిమాలతోనే ఎక్కువ క్రేజ్ సంపాధించిది. ఇక అదే జోష్ తో బాలీవుడ్ లో కూడా సక్సెస్ ఫుల్ సినిమాల్లో నటిస్తూ వచ్చింది. తాజాగా తాప్సీకి ఓ గొప్ప అవకాశం తన తలుపు తట్టిందట.
సుజిత్ సర్కార్, అమితాబ్ తో ఓ సినిమా ప్లాన్ చేస్తున్నాడట. ఆ సినిమాలో హీరోయిన్ గా తాప్సీని ఎంపిక చేశారని సమాచారం. బిగ్ బి సినిమా ఆఫర్ అంటే స్టార్ హీరోయిన్ గా బాలీవుడ్ ప్రేక్షకుల అందరి దృష్టిలో పడినట్టే. మరి వచ్చిన ఈ అవకాశాన్ని నూటికి నూరు శాతం వినియోగించుకుని.. సినిమాను కూడా హిట్ చేసుకుని బాలీవుడ్ స్టార్ హీరోయిన్ గా తాప్సీ అవతరించాలని కోరుకుందాం.
