కొన్ని సార్లు కొన్ని కాంబినేషన్స్ లో సినిమా అంటే అది నిజమా కాదా అన్నది పక్కన పెడితే అది జరిగితే భలే ఉంటుంది అనే భావనలో ఉంటాడు సగటు సిని అభిమాని. ప్రస్తుతం అలాంటి కాంబినేషన్ గురించి నెటిజెన్ ల మధ్య హాట్ టాపిక్ నడుస్తుంది. అక్కినేని మూడో తరం వారసుడిగా అఖిల్ సినిమాతో ప్రేక్షకుల ముందుకు వచ్చిన అఖిల్ కమర్షియల్ గా సక్సెస్ కాలేదు కాని కుర్రాడిలోని జోష్ అందరు మెచ్చుకునేలా చేశాడు.
ఇక మెగా ఫ్యామిలీ నుండి క్రమంగా వస్తున్న హీరోలకు షాక్ ఇస్తూ హీరోయిన్ గా తాను కూడా తెరంగేట్రం చేస్తానని చెప్పి అభిమానులను సైతం ఆశ్చర్యానికి గురి చేసింది నాగబాబు కూతురు నిహారిక. ప్రస్తుతం ఒక మనసు సినిమాలో నటిస్తున్న ఈ భామ సినిమాలో ఎవరు ఊహించని విధంగా నటించి చిత్ర యూనిట్ ని ఇంప్రెస్ చేస్తుందట. అయితే అక్కినేని అఖిల్, మెగా వారసురాలు నిహారిక కలిసి ఓ సినిమాలో నటిస్తున్నారని హడావిడి చేస్తున్నారు. అఖిల్ రెండో సినిమాపై ఇంకా ఓ క్లారిటీ రాని ఈ సందర్భంలో ఇవన్ని రూమర్లే అని తెలిసినా ఈ కాంబినేషన్ లో సినిమా వస్తే నిజంగానే ఆ ప్రాజెక్ట్ కు మంచి క్రేజ్ వచ్చే అవకాశం ఉంది.
మరి దర్శక నిర్మాతలు ఎవరైనా ఈ కాంబినేషన్ అనుకుంటే అది స్ప్రెడ్ అయ్యిందా లేక ఎవరో కావాలని ఈ వార్త సృష్టించారో తెలియదు కాని అఖిల్, నిహారికలు హీరో హీరోయిన్స్ గా నటించే సినిమా వస్తే అది కచ్చితంగా అటు అక్కినేని అభిమానులను.. ఇటు మెగా అభిమానులను ఆకట్టుకుంటుందని ప్రత్యేకంగా చెప్పాల్సిన పనిలేదు.
