ఎన్నాళ్ళుగానో ప్రేక్షకుల్ని, అభిమానుల్ని ఊరిస్తున్న ‘నాన్నకు ప్రేమతో..’ మరికొద్ది గంటల్లో థియేటర్స్‌లో హల్‌చల్‌ చెయ్యబోతోంది. ఈ చిత్రాన్ని ఎంతో ప్రతిష్ఠాత్మకంగా తీసుకున్న ఎన్టీఆర్‌ అభిమానులు దానికి తగ్గట్టుగానే థియేటర్ల దగ్గర హంగామా చెయ్యడానికి రంగం సిద్ధం చేసుకుంటున్నారు. హైదరాబాద్‌లోని ఆర్‌.టి.సి. క్రాస్‌ రోడ్‌ వంటి పెద్ద సెంటర్‌లోని థియేటర్స్‌లో ఈ రాత్రి నుంచే ఏర్పాట్లు ప్రారంభిస్తున్నారు. అలాగే రెండు రాష్ట్రాల్లో ఈ చిత్రం రిలీజ్‌ అవుతున్న థియేటర్స్‌ దగ్గర ఆల్‌రెడీ పెద్ద పెద్ద కటౌట్స్‌తో ప్రేక్షకులకు స్వాగతం పలుకుతున్నారు ఎన్టీఆర్‌ అభిమానులు. ఎన్టీఆర్‌ కెరీర్‌లోనే ‘నాన్నకు ప్రేమతో’ ఓ మెమరబుల్‌ మూవీ అవుతుందని, డెఫినెట్‌గా ఈ సినిమా బాక్సాఫీస్‌ని కొల్లగొడుతుందని, ఈ సంక్రాంతి సినిమా ఇదే అవుతుందని ఎన్టీఆర్‌ అభిమానులు చాలా కాన్ఫిడెంట్‌గా చెప్తున్నారు.
ఎన్టీఆర్‌, సుకుమార్‌ ఫస్ట్‌ కాంబినేషన్‌లో ఇప్పటివరకు ఎన్టీఆర్‌ చెయ్యని ఒక డిఫరెంట్‌ క్యారెక్టర్‌లో, చక్కని ఎమోషన్స్‌తో రూపొందిన ఈ చిత్రంపై సుకుమార్‌ చాలా కాన్ఫిడెంట్‌గా వున్నాడు. ప్రతి ఎన్టీఆర్‌ అభిమాని ఈ చిత్రంలోని ఎన్టీఆర్‌ పెర్‌ఫార్మెన్స్‌కి స్పెల్‌బౌండ్‌ అవుతారని సుకుమార్‌ చెప్తున్నాడు. నిన్న సెన్సార్‌ పూర్తి చేసుకున్న ఈ చిత్రం యు/ఎ సర్టిఫికెట్‌ పొందింది. ఈ చిత్రం నిడివి 2 గంటల 48 నిముషాలు వుంటుంది.
