ఈ సంక్రాంతి పండగ సినిమాల పరంగానే కాదు, హీరోలకు పర్సనల్‌గా కూడా పండగ వాతావరణాన్ని తెచ్చిందని చెప్పాలి. మెగా ఫ్యామిలీ అంతా ఈ సంక్రాంతిని సెలబ్రేట్‌ చేసుకోవడానికి బెంగుళూరు షిఫ్ట్‌ అవుతున్న విషయం తెలిసిందే. ‘సోగ్గాడే చిన్ని నాయనా’ చిత్రంలో బంగార్రాజుగా పంచెకట్టుతో నాగార్జున కనిపిస్తుండగా, అతని కుమారులు నాగచైతన్య, అఖిల్ కూడా తండ్రి బాటలోనే పంచెకట్టుతో తండ్రితో కలిసి ఫోటోలు దిగి పండగ వాతావరణాన్ని తీసుకొస్తున్నారు.
హీరోలందరిలోనూ ఎక్కువ భక్తి శ్రద్ధలతో పండగలను జరుపుకునే నందమూరి బాలకృష్ణ ఈ సంక్రాంతి తన మనవడు దేవాన్ష్ తో సెలబ్రేట్‌ చేసుకోబోతున్నాడు. తలపాగా చుట్టుకొన్ని అచ్చ తెలుగు సంక్రాంతి పండగను బాలకృష్ణ గుర్తు చేస్తుండగా, బాలయ్య మనవడు కూడా తాత మాదిరిగానే తలపాగా చుట్టుకొని తాతతో కలిసి నవ్వులు చిందిస్తున్నాడు. తెలుగు ప్రజలంతా ఎంతో సందడిగా జరుపుకునే సంక్రాంతి పండగ ఇప్పుడు సినిమా లోగిళ్ళలో కూడా ఎక్కువగానే కనిపిస్తుండడం విశేషమనే చెప్పాలి.
