విక్టరీ వెంకటేష్ గోపాల గోపాల సినిమా తర్వాత మరో సినిమా కమిట్ అవ్వడానికి చాలా టైం తీసుకున్నాడు. మారుతి దర్శకత్వంలో ‘బాబు బంగారం’ అనే సినిమాను మొదలెట్టిన వెంకటేష్ ప్రస్తుతం ఆ సినిమా చిత్రీకరణలో బిజీగా ఉన్నాడు. ఇక ఈ సినిమా తర్వాత కూడా మలయాళ దర్శకుడు జీతు జోసెఫ్ తో ఓ సినిమా చేయబోతున్నాడని వార్తలు వచ్చాయి.
అయితే జీతు జోసెఫ్ సినిమాకు సంబంధించిన కేవలం చర్చలు మాత్రమే జరిగాయని సినిమా మొదలవ్వడానికి ఇంకా టైం పడుతుందని అన్నారు. కాని తెలుస్తున్న సమాచారం ప్రకారం జీతు జోసెఫ్ సినిమా కూడా ఫైనల్ చేశాడట వెంకటేష్. త్వరలోనే ఆ సినిమాను కూడా మొదలెట్టబోతున్నారని ఫిల్మ్ నగర్ టాక్. అంతేకాదు ఆ సినిమా సురేష్ ప్రొడక్షన్ బ్యానర్లోనే ఆ సినిమా నిర్మితమవుతుందట.
జీతు జోసెఫ్ దర్శకత్వం వహించిన దృశ్యం సినిమా సౌత్ లో అన్ని భాషల్లో రీమేక్ అయ్యి విజయం సాధించింది. మరి ఇప్పుడు వెంకటేష్ తో జీతు జోసెఫ్ సినిమా ఎలాంటి ఫలితాన్ని ఇస్తుందో చూడాలి. కొంతకాలంగా సరైన హిట్స్ లేక వెనుకబడి ఉన్న వెంకటేష్ ఈ రెండు సినిమాలతో మళ్లీ ఫాంలోకి వస్తాడని భావిస్తున్నారు విక్టరీ వెంకటేష్ అభిమానులు.
