‘యుద్ధం మొదలయ్యాక పక్కోడు పోయాడా, వెనకోడు ఆగిపోయాడా, ముందోడు కూలిపోయాడా కాదురా.. యుద్ధం గెలిచామా లేదా అన్నదే ముఖ్యం’ అంటున్నాడు సాయి ధరమ్ తేజ్. సాయిధరమ్‌ తేజ్‌, మెహరీన్‌ జంటగా నటిస్తున్న చిత్రం ‘జవాన్‌’. బీవీఎస్‌ రవి ఈ చిత్రానికి దర్శకత్వం. ఈ చిత్ర ట్రైలర్‌ ఈ రోజు విడుదలైంది. ‘బైకులెక్కి లవర్స్‌తో తిరగాల్సిన వయసులో అమ్మ ఇచ్చిన లిస్ట్‌ లేసుకుని తిరిగితే ఇదిగో ఇలానే ఉంటది..ఫ్రస్టేషన్‌’ అని ఓ చిన్నారి చెప్తున్న డైలాగ్‌ తో ఫన్నీగా మొదలైన ఈ ట్రైలర్ తర్వాత ఫుల్ యాక్షన్ మోడ్ లోకి వెళ్ళిపోయింది.

రక్షణ వ్యవస్థకు సంబధించిన ”ఆక్టోపస్‌ మిస్సైల్‌ సిస్టమ్‌” చుట్టూ ఈ సినిమా కధ తిరుగుతుందని అర్ధం అవుతుంది ట్రైలర్ చూస్తుంటే. ‘ఆక్టోపస్‌ మిస్సైల్‌ సిస్టమ్‌” సొంతం చేసుకోవాలని ఓ విలన్ గ్యాంగ్ ప్రయత్నిస్తుంటుంది. హీరో దాన్ని అడ్డుకుంటాడు. ఈ క్రమంలో తన ఫ్యామిలీ ప్రమాదంలో పడుతుంది. చివరికి ఏమౌతుందో తెరపై చూడాల్సిందే. ట్రైలర్ చూపించిన యాక్షన్ సన్నీవేషాలు ఆకట్టుకున్నాయి. నిర్మాణ విలువలు కనిపించాయి. దిల్ రాజు నిర్మిస్తున్న చిత్రమిది. ఇక వాంటెడ్ సినిమాతో దర్శాకుడిగా మారిన బీవీఎస్‌ రవి తొలి సినిమాతో నిరాశ పరిచాడు. మళ్ళీ చాలా గ్యాప్ తర్వాత దర్శాకుడిగా చేస్తున్న ఈ సినిమా ఎలాంటి ఫలితాన్ని ఇస్తుందో చూడాలి.