అల్లరి నరేష్ మినిమం గ్యారెంటీ హీరో. ప్రేక్షకుల్ని కితకితలు పెడతాడు. అటు నిర్మాతల్నీ సంతృప్తి పరుస్తాడు. నరేష్ సినిమా అంటే థియేట‌ర్లు కిట‌కిట‌లాడుతాయి. సినిమా ఎలా ఉన్నా.. కామెడీ ఉంటుందన్న ఆశ‌తో జ‌నాలు థియేట‌ర్ల‌కు వెళ్తారు. అయితే.. ఇదంతా నరేష్ గ‌త వైభ‌వ‌మే. ఇప్పుడు నరేష్ కి హిట్టు లేదు. గ‌త కొన్నేళ్లుగా ఒక్కటంటే ఒక్క హిట్టూ లేదు.
సుడిగాడి’తో మొదలైయింది నరేష్ ఫ్లాపులు ప్రస్తానం. భీమినేని దర్శకత్వంలో వచ్చిన ఈ కిచిడి సినిమా ‘స్నూఫ్‌’లతో ఓకే అనిపించింది. అయితే అక్కడి నుండి ఫ్లాపులు వెంటాడాయి. యముడికి మొగుడు, యాక్షన్ త్రీడి, కెవ్వు కేక, లడ్డు బాబు, జంప్ జిలాని, బ్రదర్ అఫ్ బొమ్మలి, బందిపోటు, జేమ్స్ బాండ్, మామ మంచు అల్లుడు కంచు, సెల్ఫీ రాజా, మొన్న వచ్చిన మేడమీద అబ్బాయి వరకూ అన్నీ పరాజయాలే.
అయితే ఇప్పుడు నరేష్ మరో సినిమాకి రెడీ అవుతున్నాడు. ‘సుడిగాడు’ సినిమాకి సీక్వెల్ ఇది. తమిళంలో విజయాన్ని సాధించిన ‘తమిళ పడం’ సినిమాకి రీమేక్ ‘సుడిగాడు’. ‘తమిళ పడం’ సినిమాకి ఇప్పుడు సీక్వెల్ రూపొందుతోంది. త్వరలోనే అక్కడి ప్రేక్షకుల ముందుకు రానుంది. దాంతో ‘సుడిగాడు’ సినిమాను తెరకెక్కించిన భీమనేని, తమిళ సీక్వెల్ కి సంబంధించిన రీమేక్ రైట్స్ ను తీసుకున్నారని తెలిసింది. అల్లరి నరేశ్ మళ్ళీ ఈ సీక్వెల్ ను తెరకెక్కించాలని ప్లాన్. మరి సుడిగాడి కోల్పోయిన అల్లరోడి వైభవం ఈ సీక్వెల్ తో తిరుగోస్తుందేమో చూడాలి.
