రామ్‌చ‌ర‌ణ్ – ఎన్టీఆర్‌లు క‌లిసి సినిమా చేయ‌డానికి రెడీగా ఉన్న‌ప్పుడు ఒకే కుటుంబంలో ఉన్న ఇద్ద‌రు హీరోలు క‌ల‌సి సినిమా చేయ‌డంలో వింత‌, విడ్డూరం ఏముంది?? ఈ కాంబినేష‌న్ ని స్ఫూర్తిగా తీసుకున్నారేమో.. ఇప్పుడు మ‌రో మ‌ల్టీస్టార‌ర్ రెడీ అవ్వ‌బోతోంది. ఈసారి ఇద్ద‌రు మెగా హీరోలు క‌ల‌సి ఓ సినిమా చేయ‌బోతున్నారు. సాయిధ‌ర‌మ్ తేజ్‌, వ‌రుణ్‌తేజ్‌లు క‌ల‌సి ఓ సినిమాలో న‌టించ‌డానికి రెడీ అవుతున్నారు. ఈ విష‌యాన్ని సాయి ధ‌ర‌మ్ తేజ్ స్వ‌యంగా వెల్ల‌డించ‌డం విశేషం. ”మ‌ల్టీస్టార‌ర్ సినిమాలంటే నాకు ఇష్ట‌మే. ఏ హీరోతో అయినా న‌టించ‌డానికి సిద్ధంగా ఉన్నాను. వ‌రుణ్‌తేజ్‌తో ఓ సినిమా చేయాల‌ని వుంది. త‌ను కూడా రెడీ అన్నాడు. మంచి క‌థ కోసం వెదుకుతున్నాం. క‌థ దొర‌గ్గానే.. మా కాంబినేష‌న్‌లో ఓ సినిమా ఉంటుంది” అని చెప్పేశాడు సాయిధ‌ర‌మ్ తేజ్‌.

మ‌హేష్‌బాబు సినిమాలో సాయిధ‌ర‌మ్ న‌టించ‌బోతున్నాడ‌ని ఈమ‌ధ్య వార్త‌లొచ్చాయి. ఎన్టీఆర్ – చ‌ర‌ణ్ సినిమాలోనూ సాయిధ‌ర‌మ్ తేజ్ న‌టిస్తున్నాడ‌ని చెప్పుకొన్నారు. అయితే ఇవన్నీ ఊహాగానాలే అని తేల్చి పారేశాడు. ”నేనిప్ప‌టి వ‌ర‌కూ ఏ మ‌ల్టీస్టార‌ర్ సినిమా కూడా ఒప్పుకోలేదు. ఇవ‌న్నీ గాలి వార్త‌లే. అంద‌రిలా నేను కూడా చ‌ర‌ణ్ – ఎన్టీఆర్ సినిమా కోసం ఆస‌క్తిగా ఎదురుచూస్తున్నా” అన్నాడు.