ప‌వ‌న్ క‌ల్యాణ్ 25వ సినిమా అజ్ఙాత‌వాసి. దీంతోనే అనిరుథ్ టాలీవుడ్‌లో అడుగుపెడుతున్నాడు. ప‌వ‌న్ కి ఉన్న క్రేజ్‌, క్యాలిబ‌ర్ అత‌నికి బాగా తెలుసు. అందుకే దాన్ని వాడుకుంటూ టాలీవుడ్‌లో త‌న ఇంట్రోని ఘ‌నంగా చాటాల‌కుంటున్నాడు. త్రివిక్ర‌మ్ కూడా అందుకు త‌గ్గ‌ట్టు అనిరుథ్‌కి ఫ్రీ హ్యాండ్ ఇచ్చేశాడు. ఈ సినిమాని, అందులో ప‌వ‌న్‌నీ ఎంత ప్ర‌మోట్ చేశాడో తెలీదు గానీ, అనిరుథ్‌ని మాత్రం ప్ర‌మోట్ చేస్తూనే ఉన్నాడు. తాజాగా… ప‌వ‌న్ క‌ల్యాణ్ కోసం అనిరుథ్ ఓ పాట కంపోజ్ చేసి, డెడికేట్ చేశాడు. ఈ పాట అజ్ఞాత‌వాసిలోనిదే. కాక‌పోతే.. దానికి వీడియో యాడ్ చేశాడు. అనిరుథ్ పాట పాడుతూ, చిన్న చిన్న స్టెప్పులు వేస్తూ.. హంగామా చేశాడు. అనిరుథ్ పాట‌కీ, స్టెప్పుల‌కూ ప‌వ‌న్ ఫ్యాన్స్ ఫిదా అయినా అవ్వ‌క‌పోయినా , వెనుక క‌నిపించే ప‌వ‌న్ సూప‌ర్ హిట్ పోస్ట‌ర్ల‌కు మాత్రం త‌ప్ప‌కుండా అవుతారు. ఈ పాట‌ని కంపోజ్ చేసిన విధానం కూడా చాలా ట్రెండీగా ఉంది. గ్రాఫిక్స్ కూల్‌గా ఉన్నాయి. చివ‌ర్లో ప‌వ‌న్ క‌ల్యాణ్ చేతిలో ఉన్న ఐడీ కార్డు గిర్రు గిర్రున తిర‌గ‌డం ఇంకా బాగుంది. ఎక్కువ స్టెప్పులు సింగిల్ షాట్‌లోనే తీసిన‌ట్టు క‌నిపిస్తోంది. త‌ప్ప‌కుండా ఈ వీడియో అభిమానుల‌కు న‌చ్చేసేదే. ఈ పాట‌తో అనిరుథ్ ప‌వ‌న్ ఫ్యాన్స్ మ‌న‌సు గెలుచుకున్న‌ట్టే.