జనసేనాని పర్యటన పూర్తయింది కానీ ఆయనపై విమర్శల యాత్ర మాత్రం వైసీపీ పూర్తి చేయడం లేదు. పవన్ పేరు ఎత్తితేనే వంటికాలి పై లేస్తున్న వైసీపీ ఎమ్మెల్యే రోజా… బుధవారం కూడా ఆయన పై తన మాటల తూటాలు పేల్చారు.
గత ఎన్నికల్లో పవన్ వల్లే కాపులు టీడీపీ, బీజేపీ కూటమికి ఓటేశారన్నారు రోజా. అదే ఆ కూటమికి అధికారంలోకి వచ్చేలా చేసిందన్నారు. పవన్ కి స్క్రిప్ట్ రాస్తున్న వ్యక్తి ఎవరో గాని అతనికి రాజకీయ అవగాహన లేదన్నారు. పవన్ కేవలం ప్యాకేజీ పొలిటీషియన్ అంటూ ఎద్దేవా చేశారు. అలాంటి వాళ్లకు ప్రజా సమస్యలు ఎలా తెలుస్తాయి అన్నారు. సేవ చేయాలంటే రాజకీయాలు మాత్రమే అవసరం లేదని చారిటీ ట్రస్ట్ పెట్టుకోవాలని సలహా ఇచ్చారు. గజనీలా పవన్ అన్నీ మరచిపోకుండా ఎన్నికల సభల్లో మోడీ, చంద్రబాబు ఇచ్చిన హామీలు, మాట్లాడిన మాటలు గుర్తు తెచ్చుకోవాలని సూచించారు.
పవన్ పై వైసీపీ విమర్శల క్రమం చూస్తుంటే… పవర్ స్టార్ ఇక బాబు పక్షమే అని విపక్షం నిర్ధారణ కు వచ్చినట్టు కనపడుతోంది… అంతే కాక పవన్ మాట్లాడినా, సైలెంట్ గా ఉన్నా… అతని పై విమర్శల పర్వం మాత్రం కొనసాగాలని ఆ పార్టీ డిసైడ్ అయ్యినట్టుంది….
