సూపర్ స్టార్ కృష్ణ ఈ వయసులో కూడా తన నటన దాహార్తిని తీర్చుకుంటున్నారు. ప్రస్తుతం ముప్పలనేని శివ దర్శకత్వంలో కృష్ణ నటిస్తున్న సినిమా ‘శ్రీశ్రీ’. అభ్యుదయ భావాలు, యువశక్తికి నాంధి పలికే శ్రీశ్రీ మహప్రస్థానం ఎంత ప్రాముఖ్యత సంతరించుకున్నాయో మనకు తెలిసిందే. అయితే ఇప్పుడు ఆ మహనుభావుడి పాత్రలో కనిపించి మురిపించనున్నారు సూపర్ స్టార్ కృష్ణ.
ఈ సినిమాకు యూత్ లో క్రేజ్ తీసుకువచ్చే నేపథ్యంలో సినిమాలో ప్రిన్స్ మహేష్ ను కూడా అతిథి పాత్ర చేయించే ఆలోచనలో ఉన్నట్టు వార్తలు వచ్చాయి. అంతేకాదు మహేష్ బాబు నటిస్తే ఆ సినిమాకు సూపర్ క్రేజ్ వచ్చే అవకాశం ఉంది. కాని మహేష్ మాత్రం ఆ సినిమాలో నటించడానికి నో అని చెప్పేశాడట.
తెలుస్తున్న సమాచారం ప్రకారం ‘శ్రీశ్రీ’ సినిమాలో నటించడానికి సుముఖత వ్యక్తపరచని మహేష్ ఆ సినిమా కోసం తన గొంతుని అరువివ్వడానికి సిద్ధమయ్యాడట. ‘శ్రీశ్రీ’ గొప్పతనాన్ని చెబుతూ దర్శకుడు ముందో వాయిస్ ఓవర్ ఒకటి రాశారట. అయితే దాన్ని మహేష్ వాయిస్ తో సినిమాలో వచ్చేలా ఒప్పించారు. దీనిలో సూపర్ స్టార్ కృష్ణ జోక్యం కూడా ఉందని సమాచారం. మొత్తానికి తండ్రి సినిమాకు కావాల్సిన పబ్లిసిటీ ఇవ్వడం కోసం తనయుడి ఏమాత్రం వెనుకడుగు వేయట్లేదని తెలుస్తుంది. ఇప్పటికే మహేష్ తన బావ సుధీర్ బాబు ప్రతి సినిమాకు తన వంతు సహకారన్ని అందించడం మనకు తెలిసిన విషయమే. కృష్ణ గారితో పాటు సినిమాలో విజయ నిర్మల, నరేష్ లు ముఖ్య పాత్రకు పోషిస్తుండటం విశేషం.
