Jai simha Trailer

జై సింహా టీజ‌ర్ చూపించి నాలుగు రోజులు కూడా కాలేదు. ఇప్పుడు ట్రైల‌ర్ వ‌చ్చేసింది. పూర్తి యాక్ష‌న్ ప్యాక్‌తో. ”ఎవ‌డ్రా వాడు.. ఆ క‌ళ్ల‌లో మెరుపేంటి, ఎక్క‌డి నుంచి వ‌చ్చాడు” అనే డైలాగ్‌తో టీజ‌ర్ మొద‌లైంది. బిల్డ‌ప్ షాట్లకు లెక్కే లేదు. బాల‌య్య గుద్దుగుద్దుకీ యూ ట్యూబ్ ద‌ద్ద‌రిల్లేలా ఉంది. ‘సింహం మౌనాన్ని స‌న్యాసం అనుకోవ‌ద్దు’ అంటూ టీజ‌ర్లో వినిపించిన డైలాగ్‌నే ఇక్క‌డ మ‌ళ్లీ వాడారు. ‘సింహాన్ని చంపాలంటే ట్రైనింగ్‌ తీసుకోవాలి. న‌ర‌సింహాన్ని చంపాలంటే టైమింగ్ తెలిసుండాలి’ అంటూ మ‌రో ప‌వ‌ర్ ఫుల్ డైలాగ్ నోటి నుంచి వినిపించింది. చివ‌ర్లో ‘బొమ్మ తిర‌గేస్తా నీ ***’ అంటూ సెన్సార్‌కి ప‌నిచెప్పే డైలాగ్‌నీ వినిపించాడు బాల‌య్య‌. న‌య‌న‌తార లుక్స్‌. ప్ర‌కాష్‌రాజ్‌గెట‌ప్‌, చిరంత‌న్ భ‌ట్ ఆర్‌..ఆర్ ఇవ‌న్నీ ఆక‌ట్టుకునేలా ఉన్నాయి. మేకింగ్ వాల్యూస్‌లో తిరుగులేదు. ఓ కంప్లీట్‌యాక్ష‌న్ డ్రామా చూడ‌బోతున్నాం అనే ఫీలింగ్ తీసుకొచ్చింది ఈ ట్రైల‌ర్. కాక‌పోతే… బాల‌య్య ని మిన‌హాయించి చూస్తే – ఇదేదో త‌మిళ సినిమా చూస్తున్న భ్ర‌మ క‌ల‌గ‌డం సహ‌జం. ద‌ర్శ‌కుడు కె.ఎస్. ర‌వికుమార్ అక్క‌డి వాడే క‌దా. అందుకే ఆ ఫ్లేవ‌ర్ వ‌దులుకోలేక‌పోయాడ‌నిపిస్తోంది. ఈ సినిమా క‌థేంటి? ఎలా ఉండ‌బోతోంద‌న్న‌ది ట్రైల‌ర్లో కూడా అర్థం కాలేదు. కాక‌పోతే ఒక‌టి… జై సింహాని లైట్ తీసుకోవాల్సిన ప‌నిలేద‌న్న‌ది ఈ ట్రైల‌ర్ చూస్తే అర్థ‌మ‌వుతుంది. బాల‌య్య అభిమానుల‌కు పండ‌గే ఇక‌.