ఈ సంక్రాంతికి రెండు సినిమాలు బ‌రిలో దిగ‌బోతున్నాయి. అందులో జై సింహా ట్రైల‌ర్ వ‌చ్చేసింది. ఫుల్ ఆఫ్ మాస్‌, యాక్ష‌న్ అనే రేంజులో.. క‌ట్ చేశారు ట్రైల‌ర్ ని. ఇక మిగిలింది అజ్ఞాతవాసి ట్రైల‌ర్ చూడ‌డ‌మే. టీజ‌ర్లో ప‌వ‌న్ స్టైల్, లుక్, మేకింగ్ వాల్యూస్‌త‌ప్ప.. పెద్ద‌గా మెరుపులేం లేవు. ఈ సినిమా ఎలా ఉంటుంది? ఉండ‌బోతోంది? అనే విష‌యాల‌పై క్లూలేవీ ఇవ్వ‌లేదు త్రివిక్రమ్. పైగా.. ఆయ‌న మార్క్ డైలాగ్ వినిపించ‌లేదు. ట్రైల‌ర్లో మాత్రం ఆ లోటు తీర్చేశార‌ని టాక్‌. ఈ సినిమాలోని ఎమోష‌న‌ల్ కంటెంట్ మొత్తం ట్రైల‌ర్లోచూపించ‌బోతున్నార‌ని తెలుస్తోంది. ఒక‌ట్రెండు ప‌వ‌ర్‌ఫుల్ డైలాగులు వినిపించ‌బోతున్నార‌ని, ఆ డైలాగులు, ట్రైల‌ర్ తో అజ్ఞాత వాసి రేంజు తెలియ‌జేసేలా ఉన్నాయ‌ని స‌మాచారం.
ఇప్ప‌టికే ట్రైల‌ర్ రెడీ అయిపోయింద‌ని, త్రివిక్రమ్ వాటికి తుది మెరుగులు దిద్తుతున్నార‌ని స‌మాచారం. డిసెంబ‌రు 31న ప‌వ‌న్ పాట వ‌స్తోంది. ఓ రెండ్రోజులు ఆగి.. ట్రైల‌ర్‌ని వ‌ద‌ల‌బోతున్నారు. టీజ‌ర్లో మేకింగ్ వాల్యూస్‌పై దృష్టి పెట్టిన త్రివిక్రమ్.. ఈసారి కంటెంట్‌ని రివీల్ చేయ‌బోతున్నాడ‌ని, ఈ క‌థ‌ని చూచాయిగా చెప్ప‌బోతున్నాడ‌ని. ప‌వ‌న్ స్టైల్ ఆఫ్ మేన‌రిజం కూడా చూపించ‌బోతున్నాడ‌ని… మొత్తానికి ప‌వ‌న్ అభిమానులు నూటికి నూరుపాళ్లూ సంతృప్తి ప‌రిచేలా ట్రైల‌ర్‌ని డిజైన్ చేశార‌ని తెలుస్తోంది. చూద్దాం.. ప‌వ‌న్ – త్రివిక్ర‌మ్‌లు క‌ల‌సి ఈసారి ఎలాంటి మ్యాజిక్ చేస్తారో..?
