గ‌జినితో తెలుగువారి మ‌న‌సుల్లో చెరిగిపోని, మ‌ర్చిపోని ముద్ర వేసిన ఈ హీరో.. కొత్త సినిమా గురించే ఈ మాట చెబుతున్నాడు. మ‌నం, ఇష్క్ లాంటి హిట్స్ అందించిన డైరెక్ట‌ర్ విక్ర‌మ్ కుమార్ ద‌ర్శ‌క‌త్వంలో సూర్య న‌టిస్తున్న సినిమా 24. ప్ర‌స్తుతం సింగం-3(ఎస్3) సీక్వెల్ లో బిజీగా ఉన్న సూర్య‌.. త‌ర్వాత ప్రాజెక్ట్ ఇదే. ఈ సినిమా స్క్రిప్ట్ సూర్య‌ని క‌ట్టిప‌డేసింద‌ట‌. దీని గురించి బ‌య‌ట‌కు చెబితే.. ఈ కిక్ మిస్ అయిపోతాను అంటున్నాడు. అందుకే ఈ క‌థ‌లో ఒక్క ముక్క కూడా బ‌య‌ట‌కు చెప్పేది లేదంటున్నాడు. అంతేకాదు 24 సినిమా త‌న కెరీర్ లోనే ఎంతో ప్ర‌తిష్టాత్మ‌క‌మైన మూవీ అని ట్వీట్ చేశాడు సూర్య‌.

సూర్య చెప్పినా.. చెప్ప‌క‌పోయినా.. ఈ మూవీ క‌థ మాత్రం టైమ్ ట్రావెల్ అంటున్నారు. ఇందులో సూర్య త్రిపాత్రాభిన‌యం చేయ‌బోతున్న‌ట్టు టాక్. అన్న‌ద‌మ్ములుగా చేయ‌డంతోపాటు.. అన్న‌కి కొడుకుగా కూడా సూర్య న‌టిస్తాడ‌ని ప్ర‌చారం జ‌రుగుతోంది. అయితే ఇంకా ఇవి క‌న్ఫాం కాలేదు. సూర్య‌కి ఇలాంటి క్యారెక్ట‌ర్లు కొత్త కాదు. గ‌తంలో సూర్య స‌న్నాఫ్ కృష్ణ‌న్ లో కూడా సూర్య తండ్రీకొడుకులుగా యాక్ట్ చేశాడు. ఏజ్ గ్యాప్ ని కూడా చాలా బాగా క‌వ‌ర్ చేశాడు. విక్ర‌మ్ కుమార్ లాంటి డైరెక్ట‌ర్ కి సూర్య లాంటి యాక్ట‌ర్ తోడైతే.. ఇక సినిమా ఎలా ఉంటుందో అనే అంచ‌నాలు ఇప్ప‌టికే పెరుగుతున్నాయి.

మరి సింగం వచ్చాక 24 వస్తుందా లేక 24 తర్వాత సింగం వస్తుందో ఆ కం ఫ్యూజన్ కు ఇంకా తేరా పడలేదు. ప్రస్తుతం ఈ రెండు ప్రాజెక్ట్స్ తో సూర్య మరోసారి సూపర్ హిట్స్ కొత్తబోతున్నాడని మాత్రం చెప్పొచ్చు.