టాలీవుడ్ డ్యాన్సింగ్ హీరోల్లో అల్లు అర్జున్ ఒకరు. తన స్టైలిష్ యాక్టింగ్ తో పాటుగా అదిరిపోయే డ్యాన్సులతో తన అభిమానులను ఆకట్టుకుంటాడు బన్నీ. ఇక బన్ని సరసన నటించే భామలైతే అతనితో సరితూగే డ్యాన్సులు వేయలేక కాస్త ఇబ్బంది పడతారు. తాజాగా అల్లు అర్జున్ తో ఐటం సాంగ్ కు సెలెక్ట్ అయ్యింది మన సీతమ్మ అంజలి. శంకరాభరణం, డిక్టేటర్ సినిమాల్లో కనిపించి అలరించిన ఈ చిన్నది ఇప్పుడు బన్నీ సినిమాలో ఐటం సాంగ్ చేస్తుంది.
అసలు బన్నీ సినిమాలో అవకాశం ఎలా వచ్చిందబ్బా అనుకునేవారికి తానే సమాధానం ఇచ్చింది ఈ భామ. శంకరాభరణంలో ఓ ముఖ్య పాత్ర వేసిన అంజలి దానిలో ‘ఘంటా.. ఘంటా’ అంటూ ఓ సాంగ్ లో స్టెప్పులేసింది. ఆ సాంగ్ టీజర్ చూసే అల్లు అర్జున్ సినిమాను దర్శకత్వం వహిస్తున్న బోయపాటి శ్రీను ఆమెను తీసుకున్నారట. శంకరాభరణం సినిమాలో అంజలి సాంగ్ కంపోజ్ చేసిన శేఖర్ మాస్టరే అల్లు అర్జున్ సినిమాలో ఐటం సాంగ్ కంపోజ్ చేస్తుండటం విశేషం.
ఇక సినిమాలో అల్లు అర్జున్ కు సరితూగే స్టెప్స్ తనకు ఇచ్చారని.. బన్నీ అంత కాకపోయినా తను కూడా ఈసారి డ్యాన్సుల్లో ఇరగదీశానని అంటుంది అంజలి. మరి అల్లు అర్జున్ సినిమాలో ఐటం సాంగ్ అంటే ప్రేక్షకుల అందరి దృష్టిలో పడ్డట్టే. దానిలో కాస్త హాట్ హాట్ గా కనిపించింది అంటే ఐటం బాంబ్ గా అంజలి వరుసెంట ఆఫర్లు చేజిక్కించుకునే అవకాశం ఉంది.
