మాస్ ఆడియన్స్ ను మెస్మరైజ్ చేసిన హీరో రామ్ చరణ్. మాస్ ఆడియన్స్ పల్స్ పట్టేసిన దర్శకుడు బోయపాటి శ్రీను. ఇప్పుడు వీరిద్దరూ జతకట్టారు. రామ్ చరణ్, బోయపాటి శ్రీను కాంబినేషన్‌లో సినిమా ఈ రోజు ప్రారంభమైంది. గచ్చిబౌలిలోని వనదేవత ఆలయంలో సినిమాను ప్రారంభించారు.

ఇందులో చరణ్‌కి జోడీగా బాలీవుడ్‌ నటి కైరా అడ్వాణీ ఎంపిక చేశారు. బాలీవుడ్‌లో ‘ఎం.ఎస్‌ ధోనీ’ సినిమాతో గుర్తింపు తెచ్చుకున్న కైరా అడ్వాణీ.. ప్రస్తుతం తెలుగులో ‘భరత్‌ అనే నేను’ లో మహేశ్‌ బాబుకు జోడీగా నటిస్తుస్తుంది. ఈ సినిమా విడుదల కాకముందే మరో పెద్ద అవకాశం ఆమె ఖాతాలోకి వెళ్ళింది.

కాగా ఈ సినిమాలో మరో హీరోయిన్ కూడా వుంది. సినియర్ హీరోయిన్ స్నేహను ఈ సినిమాలో ఓ కీలక పాత్ర కోసం సంప్రదించడం, ఆమె ఓకే చెప్పడం జరిగింది. అల్లు అర్జున్ ‘సన్ ఆఫ్ సత్యమూర్తి’ తర్వాత ఆమె తెలుగులో అంగీకరించిన చిత్రమిది. డీవీవీ ఎంటర్‌టైన్‌మెంట్స్‌ బ్యానర్‌పై దానయ్య ఈ సినిమాను నిర్మిస్తున్నారు. దేవిశ్రీ ప్రసాద్ చిత్రానికి సంగీతం అందిస్తున్నాడు.