పవన్ కళ్యాణ్ “నిరంత” యాత్ర కి సిద్దమైన సందర్భంగా మెగా ఫ్యామిలీ హీరోలు పవన్ కళ్యాణ్ కి తమ మద్దతు ప్రకటిస్తూ ట్వీట్లు, ఫేస్ బుక్ పోస్ట్ లు చేసారు.
మెగా పవర్ స్టార్ రాం చరణ్ ఫేస్ బుక్ లో.- ” నేను ఓ భారతీయుడిని.. నా జన్మ భూమిని రక్షించుకొనే భాద్యత నా పై ఉంది అన్న పవన్ కళ్యాణ్ కామెంట్ తో పాటు.. బాబాయ్ మీకు అంతా శుభం కలగాలని… కోరుకొంటున్నా.. జై జనసేన” అంటూ పోస్ట్ చేసారు. రాం చరణ్ భార్య ఉపాసన కూడా ఈ పోస్ట్ ని రీ-ట్వీట్ చేసారు. ఇక వరుణ్ తేజ్ ట్విట్టర్ లో “ఆల్ ద బెస్ట్ బాబాయ్, మీకు మరింత శక్తి కలగాలి, జై జనసేన” అని ట్వీట్ చేస్తే, మెగా ఫ్యామిలీ హీరో – సాయి ధరం తేజ్ కూడా “మీ వెంటే మేము, జై జన సేన” అంటూ ట్వీట్ చేసారు.
మొత్తానికి మెగా ఫ్యామిలీ హీరోలు జనసేన కి బహిరంగంగా జై కొట్టటానికి ఎటువంటి మొహమాటమూ చూపించట్లేదు. అయితే జనసేన ప్రస్తుతం ఉన్న పరిస్థితుల్లో కాంగ్రెస్ తో కానీ కాంగ్రెస్ లో ఉన్న ఎటువంటి పొత్తు పెట్టుకునే అవకాశాలు కనిపించడం లేదు. అదే జరిగితే, 2019 కి మళ్ళీ కాంగ్రెస్ లో ఉన్న చిరంజీవి, పవన్ జనసేన వైరి పక్షాలుగా ఉండాల్సి రావచ్చు. మరి అప్పుడు కూడా మెగా ఫ్యామిలీ హీరోలు జై జనసేన అంటారా లేక అప్పటి పరిస్థితులని బట్టి వైఖరి మార్చుకుంటారా? లేక మెగా ఫ్యామిలీ ఈ స్థాయిలో ఉండటానికి కారణమైనందున చిరంజీవి కి మద్దతిస్తారా? అన్నది చర్చనీయాంశం అయింది.
