మోహ‌న్‌బాబు స్థాయికి త‌గిన పాత్ర ప‌డి చాలా రోజులైంది. ఆయ‌న అడ‌పా ద‌డ‌పా సినిమాలు చేస్తున్నారు గానీ… త‌న‌దైన ముద్ర వేయ‌లేక‌పోతున్నారు. ఆలోటు ‘గాయ‌త్రి’ ద్వారా తీరుతుందేమో అనిపిస్తోంది. మ‌ద‌న్ ద‌ర్శ‌క‌త్వం వ‌హిస్తున్న ఈ చిత్రాన్ని మోహ‌న్ బాబు న‌టిస్తూ నిర్మిస్తున్నారు. విష్ణు, శ్రియ కీల‌క పాత్ర‌లు పోషిస్తున్నారు. ట్రైల‌ర్ ఈరోజే విడుద‌లైంది. ట్రైల‌ర్‌లో క‌థేంటో తెలియ‌క‌పోయినా.. మోహ‌న్ బాబు గెట‌ప్‌, ఆయ‌న డైలాగులు మాత్రం ఆక‌ట్టుకునేలా ఉన్నాయి. ఇదో పొలిటిక‌ల్ డ్రామా అనే సంగ‌తి అర్థ‌మైపోతోంది. మోహ‌న్ బాబు రెండు గెట‌ప్పుల్లో క‌నిపిస్తున్నారు. గాయ‌త్రి ప‌టేల్‌గా మోహ‌న్ బాబు గెట‌ప్‌, ప‌లికే సంభాష‌ణ‌లు ఈ సినిమా చూడాల‌న్న ఆస‌క్తిని పెంచుతున్నాయి. డైమండ్ ర‌త్న‌బాబు డైలాగులు బాగానే పేలాయి. త‌మ‌న్ నేప‌థ్య సంగీతం క‌లిసి వ‌చ్చింది. ట్రైల‌ర్ చూస్తుంటే చాలా పాత్ర‌లు క‌నిపిస్తున్నాయి. వాట‌న్నింటినీ ఎలా మౌల్డ్ చేశాడో చూడాలి. స్వ‌త‌హాగా ర‌చ‌యిత అయిన మ‌ద‌న్ చాలా కాలం త‌ర‌వాత మెగా ఫోన్ ప‌ట్టాడు. ఈ సినిమాతో హిట్టు కొట్ట‌డం ఆయ‌న‌కే కాదు, మోహ‌న్ బాబుకీ అవ‌శ్యం. ఆ ల‌క్ష‌ణాలు ట్రైల‌ర్‌లో క‌నిపించాయి. ఫిబ్ర‌వ‌రి 9న ఈ చిత్రాన్ని విడుద‌ల చేస్తున్నారు.