నాని ద్విపాత్రాభిన‌యం చేస్తున్న చిత్రం ‘కృష్ణార్జునుల యుద్దం’. మేర్ల‌పాక గాంధీ ద‌ర్శ‌కుడు. సంక్రాంతి సంద‌ర్భంగా కృష్ణ‌, అర్జున్‌ల లుక్స్‌ని చిత్ర‌బృందం విడుద‌ల చేసింది. కృష్ణ‌పై ఓ పాట‌ని కూడా వ‌దిలింది. కృష్ణ లుక్ చూస్తే… ఊర మాస్ అని అర్థ‌మైపోతోంది. మ‌రి అర్జున్ మాటేంటి? అత‌ని అల్ట్రా మోడ్ర‌న్‌గా చూపిస్తోంది చిత్ర‌బృందం. ఇంత‌కీ మేట‌రేంటంటే.. అర్జున్ ఓ రాక్ స్టార్ అట‌. ‘వ‌న్లో’ మ‌హేష్‌బాబు, ‘ఇద్ద‌ర‌మ్మాయిలు’లో అల్లు అర్జున్‌ల‌ను రాక్‌స్టార్లుగా చూపించారు. ఇప్పుడు వాళ్ల ప‌క్క‌న నాని కూడా చేర‌బోతున్నాడ‌న్నమాట‌. అనుప‌మ ప‌ర‌మేశ్వ‌ర‌న్‌, రుక్స‌ర్ మీర్ క‌థానాయిక‌లుగా న‌టిస్తున్నారు. హ‌రిష్ పెద్ది నిర్మాత‌. దాదాపుగా ఇప్ప‌టికే ఈ సినిమాకి సంబంధించిన బిజినెస్ క్లోజ్ అయ్యింది. శాటిలైట్ కూడా అమ్ముడుపోయింది. అన్ని ర‌కాలుగానూ దాదాపుగా రూ.8 నుంచి 10 కోట్ల టేబుల్ ప్రాఫిట్ ని నిర్మాత ద‌క్కించుకున్న‌ట్టు తెలుస్తోంది. నాని సూప‌ర్ ఫామ్ లో ఉన్నాడు. మేర్ల‌పాక గాంధీకీ చేతిలో హిట్స్ ఉన్నాయి. సో… ఈ మాత్రం టేబుల్ ప్రాఫిట్ ద‌క్క‌డంలో ఎలాంటి ఆశ్చ‌ర్యం లేదు. డ‌బుల్ హ్యాట్రిక్‌తో దూసుకుపోతున్న నాని.. ఈసినిమాని ఏ రేంజ్‌లో స‌క్సెస్ చేస్తాడో చూడాలి.