టాలీవుడ్‌లో మోస్ట్ ప్రామిసింగ్ యంగ్ హీరోల్లో శ‌ర్వానంద్ కూడా ఒక‌డు. మ‌హానుభావుడుతో హిట్టు అందుకున్న శ‌ర్వా చేతిలో ఇప్పుడు రెండు సినిమాలున్నాయి. హ‌ను రాఘ‌వ‌పూడి ద‌ర్శ‌క‌త్వంలో న‌టిస్తున్నాడు శర్వా. ఆ త‌ర‌వాత సుధీర్ వ‌ర్మ సినిమా సెట్స్‌పైకి వెళ్ల‌నుంది. అయితే.. దండు పాళ్యం ద‌ర్శ‌కుడు శ్రీ‌నివాస‌రాజుతో శ‌ర్వా ఓ సినిమా చేయ‌బోతున్నాడ‌ని వార్త‌లొస్తున్నాయి. సోష‌ల్ మీడియాలో వీరి కాంబినేష‌న్ గురించి ఆస‌క్తిగా చ‌ర్చించుకుంటున్నారు. వీటిపై శ‌ర్వ స‌న్నిహితులు స్పందించారు. శ‌ర్వానంద్ చేతిలో ఉన్న‌వి రెండే సినిమాల‌ని, కొత్త సినిమాలేం ఒప్పుకోలేద‌ని, శ్రీ‌నివాస‌రాజుతో సినిమా అనేది కేవ‌లం రూమ‌రే అని క్లారిటీ ఇచ్చేశారు. ప్ర‌స్తుతం హ‌ను రాఘ‌వ‌పూడి సినిమా సెట్స్‌పై ఉంది. ఓ షెడ్యూల్ పూర్త‌యిన వెంట‌నే… సుధీర్ వ‌ర్మ సినిమా మొద‌ల‌వుతుంది.