ఇద్దరు ముగ్గురు హీరోలున్న కథలతో మణిరత్నం సిన్మా తీస్తే మ్యాగ్జిమమ్ హిట్టే. దొంగ దొంగ, దళపతి, యువ చెప్పుకుంటూ పోతే మణిరత్నం తీసిన మంచి సిన్మాలెన్నో. ఇటీవల కొన్ని ప్లాప్ సిన్మాలతో మణిరత్నం పేరుకు మచ్చ వచ్చినా ‘నవాబ్’తో మళ్ళీ ట్రాక్‌లో వచ్చేట్టు కనిపిస్తున్నాడు. శింబు, అరవింద్ స్వామి, విజయ్ సేతుపతి, అరుణ్ విజయ్ హీరోలుగా మణిరత్నం తీస్తున్న గ్యాంగ్‌స్ట‌ర్‌ సిన్మాకి తెలుగులో ‘నవాబ్’ టైటిల్ కన్ఫర్మ్ చేశారు. తమిళంలో ఈ సిన్మా టైటిల్ ‘సెక్క సేవంత వానమ్’. తెలుగులో ‘ఆకాశం బాగా ఎరుపెక్కింది’ అని అర్థమట! అసలే నలుగురు హీరోలున్నారు. పైగా గ్యాంగ్‌స్ట‌ర్‌ సిన్మా. టిపికల్ మణిరత్నం స్టైల్ యాక్షన్ మూవీ ఎక్స్‌పెక్ట్‌ చెయ్యొచ్చు. ‘చెలియా’ ప్లాప్ తర్వాత మణిరత్నం తీస్తున్న సిన్మా ఇది. ‘చెలియా’ హీరోయిన్ అదితీరావ్ హైదరి ఇందులోనూ యాక్ట్ చేస్తోంది. జ్యోతిక, ఐశ్వర్యా రాజేష్ కూడా హీరోయిన్లుగా నటిస్తున్నారు.